Follow on Google News
ഗുരുവായൂർ: ഐശ്വര്യത്തിന്റെ പ്രതീകമായ വിഷുക്കണി ദർശനത്തിനായി ഗുരുവായൂർ ക്ഷേത്രത്തിൽ വിപുലമായ ക്രമീകരണങ്ങൾ ഒരുക്കി (Guruvayur Temple Vishu Kani 2026 Timing). ഏപ്രിൽ 15 ബുധനാഴ്ച പുലർച്ചെ 2.55 മുതൽ 3.55 വരെയാണ് ഭക്തർക്ക് ശ്രീകോവിലിനുള്ളിലെ കണി ദർശിക്കാനുള്ള അവസരം. കണി ദർശനത്തിന് ശേഷം നിർമ്മാല്യം, അഭിഷേകം തുടങ്ങിയ പതിവ് പൂജകൾ നടക്കും.
ശ്രീകോവിൽ നെയ്യ് വിളക്ക് വഴിപാട് ശീട്ടാക്കുന്ന ഭക്തർക്കുള്ള ദർശനം രാവിലെ 7 മണിക്ക് ആരംഭിക്കും. എന്നാൽ തിരക്ക് വർധിക്കുകയാണെങ്കിൽ നെയ്യ് വിളക്ക് ദർശനത്തിന് നിയന്ത്രണങ്ങൾ ഏർപ്പെടുത്തുമെന്ന് ദേവസ്വം അറിയിച്ചു. വിഷുദിനത്തിൽ പ്രസാദ ഊട്ടിന് പതിവ് വിഭവങ്ങൾ ഉണ്ടായിരിക്കും.
ദർശനം സുഗമമാക്കാൻ ദേവസ്വം അധികൃതരും പോലീസും നൽകുന്ന നിർദ്ദേശങ്ങൾ ഭക്തർ കർശനമായി പാലിക്കണം.
തിരക്ക് ഒഴിവാക്കുന്നതിനും സുഗമമായ ദർശനം ഉറപ്പാക്കുന്നതിനും എല്ലാ ഭക്തരും ഭരണസമിതിയോട് സഹകരിക്കണമെന്ന് ഗുരുവായൂർ ദേവസ്വം അഭ്യർത്ഥിച്ചു. ദർശനത്തിനായി വൻതോതിൽ ഭക്തർ എത്തുമെന്നാണ് പ്രതീക്ഷിക്കുന്നത്.
Story Summary:
Preparations for the auspicious Vishu Kani darshan at the Guruvayur Temple are complete. The darshan will take place on Wednesday, April 15, from 2.55 AM to 3.55 AM. Regular rituals including Nirmalyam and Abhishekam will follow. Darshan for those booking the Neyyuvilakku offering will start at 7 AM, subject to crowd control measures. The Devaswom has requested all devotees to follow the guidelines set by officials and the police for a smooth experience.
