കൊച്ചി: രാസലഹരിയും കഞ്ചാവുമായി പ്രമുഖ ഫുഡ്വ്ലോഗറും സുഹൃത്തും എക്സൈസ് പിടിയിൽ (Food vlogger arrested Kochi). തൃശൂർ കൊടുങ്ങല്ലൂർ അഴീക്കോട് സ്വദേശിയും ഫുഡ്വ്ലോഗറുമായ മുഹമ്മദ് ആദിൽ (21), മലപ്പുറം പെരിന്തൽമണ്ണ സ്വദേശി മുഹമ്മദ് ഷാമിൽ (20) എന്നിവരെയാണ് എറണാകുളം എക്സൈസ് സംഘം അറസ്റ്റ് ചെയ്തത്.
ചിറ്റൂർ ഭാഗത്ത് എക്സൈസ് നടത്തിയ പരിശോധനയിലാണ് ഇവരിൽ നിന്ന് 7.520 ഗ്രാം എം.ഡി.എം.എയും അഞ്ച് ഗ്രാം കഞ്ചാവും കണ്ടെടുത്തത്. അറസ്റ്റിലായ മുഹമ്മദ് ആദിൽ സോഷ്യൽ മീഡിയയിൽ ഫുഡ്വ്ലോഗറായും സിനിമകളിൽ ജൂനിയർ ആർട്ടിസ്റ്റായും പ്രവർത്തിച്ചു വരികയായിരുന്നു.
എറണാകുളം എക്സൈസ് റേഞ്ച് ഇൻസ്പെക്ടർ ആർ. അഭിരാജിന്റെ നേതൃത്വത്തിലുള്ള സംഘമാണ് പ്രതികളെ പിടികൂടിയത്. പ്രിവന്റീവ് ഓഫീസർമാരായ വിപിൻദാസ്, അനീഷ് കെ. ജോസഫ്, സിവിൽ എക്സൈസ് ഓഫീസർമാരായ സി.ജി. അമൽദേവ്, ജിബിനാസ്, അഷ്കർ സാബു എന്നിവരും സംഘത്തിലുണ്ടായിരുന്നു.
പ്രതികൾ ലഹരിമരുന്ന് എത്തിച്ചത് വിൽപ്പനയ്ക്കാണോ അതോ സ്വന്തം ഉപയോഗത്തിനാണോ എന്നതടക്കമുള്ള കാര്യങ്ങൾ എക്സൈസ് പരിശോധിച്ചു വരികയാണ്. കൊച്ചി നഗരത്തിലെ ലഹരി വിപണന ശൃംഖലകളെ കേന്ദ്രീകരിച്ച് അന്വേഷണം വ്യാപിപ്പിച്ചിട്ടുണ്ട്.
Story Summary:
Food vlogger and junior artist Muhammad Adil and his friend Muhammad Shamil were arrested in Kochi with 7.520 grams of MDMA and 5 grams of ganja. The arrest was made by the Ernakulam Excise Range team during a check in the Chittoor area.
