ചെട്ടിക്കുളങ്ങര കുംഭഭരണി: ഫെബ്രുവരി 23-ന് മാവേലിക്കര, കാർത്തികപ്പള്ളി താലൂക്കുകളിൽ പ്രാദേശിക അവധി | Chettikulangara Kumbhabharani 2026

ആലപ്പുഴ: ചെട്ടിക്കുളങ്ങര ദേവീക്ഷേത്രത്തിലെ കുംഭഭരണി മഹോത്സവം പ്രമാണിച്ച് മാവേലിക്കര, കാർത്തികപ്പള്ളി താലൂക്കുകളിലെ സർക്കാർ ഓഫീസുകൾക്കും വിദ്യാഭ്യാസ സ്ഥാപനങ്ങൾക്കും ഫെബ്രുവരി 23 തിങ്കളാഴ്ച ജില്ലാ കളക്ടർ പ്രാദേശിക അവധി പ്രഖ്യാപിച്ചു (Chettikulangara Kumbhabharani 2026). മാവേലിക്കര, കാർത്തികപ്പള്ളി താലൂക്കുകളിലെ എല്ലാ സർക്കാർ ഓഫീസുകളും വിദ്യാഭ്യാസ സ്ഥാപനങ്ങളും. മുൻ നിശ്ചയിച്ച പ്രകാരമുള്ള പൊതുപരീക്ഷകൾക്ക് മാറ്റമുണ്ടായിരിക്കില്ലെന്ന് കളക്ടറുടെ ഉത്തരവിൽ വ്യക്തമാക്കുന്നു. ലോകപ്രശസ്തമായ കെട്ടുകാഴ്ചയും കുത്തിയോട്ടവും നടക്കുന്ന ചെട്ടിക്കുളങ്ങര കുംഭഭരണിക്ക് ലക്ഷക്കണക്കിന് തീർത്ഥാടകരാണ് ആലപ്പുഴയിലേക്ക് എത്തുന്നത്. ഭരണി മഹോത്സവത്തിന് മുന്നോടിയായുള്ള സുരക്ഷാ ക്രമീകരണങ്ങളും ഗതാഗത നിയന്ത്രണങ്ങളും പോലീസ് ഇതിനോടകം പൂർത്തിയാക്കിയിട്ടുണ്ട്.