Follow on Google News
ചേലക്കര: അന്തിമഹാകാളൻ കാവിലെ വെടിവഴിപാടിനിടെ കതിന പൊട്ടിത്തെറിച്ച് ഗുരുതരമായി പൊള്ളലേറ്റ കരാറുകാരൻ മരിച്ചു (Chelakkara Anthimahakalan Kavu Accident). അന്തിമഹാകാളൻകാവ് തൃത്താല വീട്ടിൽ വേണു (60) ആണ് എറണാകുളത്തെ സ്വകാര്യ ആശുപത്രിയിൽ ചികിത്സയിലിരിക്കെ അന്തരിച്ചത്. ഏപ്രിൽ 4-ന് രാവിലെയാണ് അപകടമുണ്ടായത്. ക്ഷേത്ര മതിൽക്കെട്ടിനകത്ത് വെടിവഴിപാട് നടത്തിവരികയായിരുന്നു വേണു.
കതിന പൊട്ടിച്ചപ്പോൾ അതിൽ നിന്നുള്ള തീപ്പൊരി സമീപത്ത് കതിന നിറയ്ക്കാൻ വെച്ചിരുന്ന കരിമരുന്നിലേക്ക് തെറിക്കുകയായിരുന്നു. ഇതേത്തുടർന്ന് ഉണ്ടായ തീപിടുത്തത്തിൽ വേണുവിന്റെ വസ്ത്രത്തിലേക്ക് തീ പടരുകയും ഗുരുതരമായി പൊള്ളലേൽക്കുകയും ചെയ്തു. ആദ്യം ചേലക്കരയിലെ ആശുപത്രിയിൽ എത്തിച്ചെങ്കിലും നില അതീവ ഗുരുതരമായതിനാൽ പിന്നീട് എറണാകുളത്തെ വിദഗ്ധ ചികിത്സാ കേന്ദ്രത്തിലേക്ക് മാറ്റുകയായിരുന്നു.
കഴിഞ്ഞ 10 വർഷത്തിലധികമായി അന്തിമഹാകാളൻ കാവിലെ വെടിവഴിപാട് കരാറുകാരനായി പ്രവർത്തിച്ചു വരികയായിരുന്നു വേണു. സംഭവത്തിൽ ചേലക്കര പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
ഭാര്യ: പാറുക്കുട്ടി. മക്കൾ: രാജീവ് (ഗൾഫ്), രജനി. മരുമക്കൾ: രമ്യ, സന്തോഷ്. സംസ്കാരം പിന്നീട് നടക്കും.
Story Summary:
Venu (60), a fireworks contractor at Chelakkara Anthimahakalan Kavu, passed away after sustaining severe burns during a temple ritual. The accident occurred on April 4 when a spark from a lit ‘kathina’ fell into the gunpowder stock, causing his clothes to catch fire. Despite being moved to a specialist hospital in Ernakulam, he succumbed to his injuries. Venu had been the contractor for the temple’s fireworks for over a decade.
