കൊച്ചി : പള്ളുരുത്തി സെന്റ് റീത്താസ് സ്കൂളിലെ ഹിജാബ് വിവാദത്തിൽ ഇതുവരെയും പ്രശ്നപരിഹാരം ആയിട്ടില്ലന്ന് വിവരം. കുട്ടി ഹിജാബ് ധരിക്കാതെ വരാമെന്ന് സമ്മതപത്രം നൽകണമെന്നും, എന്നാൽ മാത്രം സ്കൂളിൽ തുടരാമെന്നുമാണ് മാനേജ്മെന്റ് പറയുന്നത്. (Hijab controversy in school)
തീരുമാനം എടുത്തിട്ടില്ല എന്നാണ് കുട്ടിയുടെ പിതാവ് അറിയിക്കുന്നത്. വിവാദത്തിൽ മുഖ്യമന്ത്രിയുടെ ഓഫീസ് ഇടപെട്ടതായി സ്കൂള് പിടിഎ പ്രസിഡന്റ് പറഞ്ഞു. സ്കൂൾ മാനേജ്മെൻറിനെ വിദ്യാഭ്യാസ മന്ത്രി വി ശിവൻകുട്ടി വിമർശിച്ചിരുന്നു.
ഇതിന് പിന്നാലെ സമവായത്തിലൂടെ പരിഹരിക്കപ്പെട്ടു എന്ന് കരുതിയ പ്രശ്നം വീണ്ടും തലപൊക്കിയിരിക്കുകയാണ്. അതേസമയം, കുട്ടി ഇന്ന് സ്കൂളിൽ എത്തില്ല. പനി ആണെന്നാണ് വിശദീകരണം.