ചെന്നൈ: ജമ്മു കശ്മീർ നിയമസഭാ തെരഞ്ഞെടുപ്പിലെ വിജയത്തിനു പിന്നാലെ നാഷനൽ കോൺഫറൻസിനെയും കോൺഗ്രസിനെയും അഭിനന്ദിച്ച് തമിഴ്നാട് മുഖ്യമന്ത്രി എം.കെ. സ്റ്റാലിൻ. ഇത് ഇൻഡ്യയുടെയും ജനാധിപത്യത്തിന്റെയും വിജയം എന്നതിലുപരി, കേന്ദ്രത്തിലെ ബി.ജെ.പി സർക്കാർ എടുത്തുകളഞ്ഞ ജമ്മു കശ്മീരിന്റെ അന്തസ്സും സംസ്ഥാന പദവിയും പുനഃസ്ഥാപിക്കുന്നത്തിനുള്ള നിയോഗമാണ് -സ്റ്റാലിൻ എക്സിൽ കുറിച്ചു.