ശ്രീനഗർ: ജമ്മു കാഷ്മീർ നിയമസഭ തെരഞ്ഞെടുപ്പിൽ ബിജെപി വൻ ഭൂരിപക്ഷത്തിൽ വിജയിക്കുമെന്ന് കേന്ദ്രമന്ത്രി രാം ദാസ് അത്താവ്‌ലെ. നിയമസഭ തെരഞ്ഞെടുപ്പിലെ ആദ്യ രണ്ട് ഘട്ടങ്ങളിലെയും മികച്ച പോളിംഗ് ശതമാനം ബിജെപിക്ക് അനുകൂലമായ തരംഗത്തെയാണ് സൂചിപ്പിക്കുന്നതെന്നും തെരഞ്ഞെടുപ്പ് ഫലത്തിന് ശേഷം ബിജെപി തന്നെ സർക്കാർ രൂപീകരിക്കുമെന്നും കേന്ദ്രമന്ത്രി പറഞ്ഞു. കേന്ദ്രസർക്കാരിന്‍റെ നിരന്തരമായ ശ്രമങ്ങളുടെ ഭാഗമായി ജമ്മു കാഷ്മീരിലെ ഭീകരവാദ പ്രവർത്തനങ്ങൾ കുറഞ്ഞുവെന്നും അദ്ദേഹം കൂട്ടിച്ചേർത്തു.
ജമ്മു കാഷ്മീർ വികസനത്തിന്‍റെ പാതയിലാണെന്നും അതിന് തുടർച്ച ഉണ്ടാവണമെങ്കിൽ അവിടെ ബിജെപി തന്നെ സർക്കാർ രൂപീകരിക്കേണ്ടതുണ്ടെന്നും കേന്ദ്രമന്ത്രി അഭിപ്രായപ്പെട്ടു.