അഹമ്മദാബാദ്: ക്രിക്കറ്റ് ലോകം കാത്തിരുന്ന ആവേശപ്പോരാട്ടത്തിൽ ഗുജറാത്ത് ടൈറ്റൻസിനെ 5 വിക്കറ്റിന് തകർത്ത് റോയൽ ചലഞ്ചേഴ്സ് ബെംഗളൂരുവിന് ഐപിഎൽ 2026 കിരീടം (RCB wins IPL 2026). അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ നടന്ന ഫൈനലിൽ ഗുജറാത്ത് ഉയർത്തിയ 156 റൺസ് വിജയലക്ഷ്യം 5 വിക്കറ്റ് നഷ്ടത്തിൽ ആർസിബി മറികടന്നു. കഴിഞ്ഞ സീസണിലെ കിരീട നേട്ടത്തിന് പിന്നാലെ ഇത്തവണയും ട്രോഫി നിലനിർത്തിയതോടെ ആർസിബി തങ്ങളുടെ ജൈത്രയാത്ര തുടരുകയാണ്.
ടോസ് നേടി ബോളിങ് തിരഞ്ഞെടുത്ത ആർസിബി ക്യാപ്റ്റൻ രജത് പടിദാറിന്റെ തീരുമാനം ശരിവെക്കുന്ന പ്രകടനമാണ് ബോളർമാർ കാഴ്ചവെച്ചത്. ജോഷ് ഹേസൽവുഡും ഭുവനേശ്വർ കുമാറും ചേർന്നുള്ള തകർപ്പൻ ബോളിങ് പ്രകടനം തുടക്കത്തിൽ തന്നെ ഗുജറാത്തിനെ സമ്മർദ്ദത്തിലാക്കി. ഗുജറാത്ത് ക്യാപ്റ്റൻ ശുഭ്മൻ ഗില്ലിനെ (10) ഹേസൽവുഡും, സായ് സുദർശനെ (12) ഭുവനേശ്വർ കുമാറും പുറത്താക്കിയതോടെ ടൈറ്റൻസ് പ്രതിരോധത്തിലായി.
മധ്യനിരയിൽ വാഷിംഗ്ടൺ സുന്ദർ നേടിയ അർധസെഞ്ചുറിയാണ് (50*) ഗുജറാത്തിനെ ഭേദപ്പെട്ട സ്കോറിലേക്ക് നയിച്ചത്. രസിഖ് ദാർ സലാം 3 വിക്കറ്റുകൾ വീഴ്ത്തി മികച്ച പിന്തുണ നൽകിയതോടെ നിശ്ചിത 20 ഓവറിൽ 8 വിക്കറ്റ് നഷ്ടത്തിൽ 155 റൺസെടുക്കാനേ ഗുജറാത്തിന് സാധിച്ചുള്ളൂ.
മറുപടി ബാറ്റിങ്ങിനിറങ്ങിയ ആർസിബിക്ക് വേണ്ടി വിരാട് കോഹ്ലി തകർപ്പൻ പ്രകടനമാണ് പുറത്തെടുത്തത്. തന്റെ ഐപിഎൽ കരിയറിലെ ഏറ്റവും വേഗമേറിയ അർധസെഞ്ചുറി കുറിച്ച കോഹ്ലി ആർസിബിയുടെ റൺചേസ് എളുപ്പമാക്കി. റാഷിദ് ഖാൻ രണ്ട് വിക്കറ്റുകൾ വീഴ്ത്തി ഗുജറാത്തിനെ മത്സരത്തിലേക്ക് തിരികെ കൊണ്ടുവരാൻ ശ്രമിച്ചെങ്കിലും ശാന്തതയോടെ ബാറ്റ് വീശിയ ആർസിബി മധ്യനിര 17-ാം ഓവറിൽ ലക്ഷ്യം കണ്ടു.
Short Story Summary: Royal Challengers Bengaluru (RCB) clinched their second consecutive IPL title by defeating Gujarat Titans (GT) by 5 wickets in the grand finale of IPL 2026 at the Narendra Modi Stadium in Ahmedabad.
