ശ്രീനഗർ: രാജ്യം 79-ാം സ്വാതന്ത്ര്യ ദിനം ആഘോഷിക്കാനിരിക്കെ പരേഡിന്റെ റിഹേഴ്‌സൽ ശ്രീനഗറിൽ തിങ്കാളാഴ്ച നടന്നു(Independence Day 2025). സ്വാതന്ത്ര്യ ദിനത്തോടനുബന്ധിച്ച് കശ്മീർ താഴ്‌വരയിൽ സർവ്വ സുരക്ഷയും ഉറപ്പാക്കിയതായി ജമ്മു കശ്മീർ പോലീസ് വ്യക്തമാക്കി.
"താഴ്‌വരയിലുടനീളം വരാനിരിക്കുന്ന സ്വാതന്ത്ര്യ ദിനാഘോഷങ്ങൾക്ക് ആവശ്യമായ എല്ലാ സുരക്ഷയും ലോജിസ്റ്റിക്കൽ ക്രമീകരണങ്ങളും ഏർപ്പെടുത്തിയിട്ടുണ്ട്. പരിപാടി സമാധാനപരമായി നടക്കുന്നുവെന്ന് ഉറപ്പാക്കാൻ സെൻസിറ്റീവ് സ്ഥലങ്ങളിൽ പ്രത്യേക ശ്രദ്ധ കേന്ദ്രീകരിക്കും. ശ്രീനഗറിലും താഴ്‌വരയിലെ മറ്റെല്ലാ ജില്ലകളിലും ആഘോഷങ്ങൾ സുഗമവും അനിഷ്ട സംഭവങ്ങളില്ലാത്തതുമാണെന്ന് ഉറപ്പാക്കുമെന്നും" കശ്മീർ മേഖല ഐജിപി വി.കെ.ബിർദി പറഞ്ഞു. സ്വാതന്ത്ര്യദിന റിഹേഴ്‌സൽ പരേഡിനിടെ മാധ്യമപ്രവർത്തകരോട് സംസാരിക്കവെയാണ് അദ്ദേഹം ഇക്കാര്യം വെളിപ്പെടുത്തിയത്.