എറണാകുളം ചോറ്റാനിക്കരയില് അടച്ചിട്ട വീട്ടില് നിന്ന് മനുഷ്യന്റെ അസ്ഥികൂടം കണ്ടെത്തി. വീട്ടിലെ ഉപയോഗശൂന്യമായ ഫ്രിഡ്ജില് നിന്നാണ് പ്ലാസ്റ്റിക് കവറില് പൊതിഞ്ഞ നിലയില് തലയോട്ടിയും ശരീരാവശിഷ്ടങ്ങളും കണ്ടെത്തിയത്. 30 വര്ഷത്തോളമായി അടഞ്ഞുകിടന്ന വീട്ടില് സാമൂഹ്യ വിരുദ്ധരുടെ ശല്യം രൂക്ഷമായിരുന്നു.
നാട്ടുകാരുടെയും പഞ്ചായത്ത് മെമ്പറുടെയും പരാതിയെ തുടര്ന്ന് പൊലീസ് ഇന്ന് വൈകുന്നേരം വീട് പരിശോധിച്ചപ്പോഴാണ് അസ്ഥികൂടം കണ്ടെത്തിയത്. കൊച്ചിയിലെ ഡോക്ടറുടെ ഉടമസ്ഥതയിലുള്ളതാണ് വീട്. അസ്ഥികള് മനുഷ്യന്റേത് തന്നെയാണെന്നും ഏറെ നാളത്തെ പഴക്കമുണ്ടെന്നും പൊലീസ് അറിയിച്ചു. ഇതിന് 20 വര്ഷത്തോളം പഴക്കമുണ്ടെന്നാണ് പോലീസിന്റെ നിഗമനം.