കൊച്ചി: സീ പ്ലെയിൻ പദ്ധതിയിൽ വിവാദങ്ങൾക്ക് സ്ഥാനമില്ലെന്ന് പറഞ്ഞ് മന്ത്രി മുഹമ്മദ് റിയാസ് രംഗത്തെത്തി. പദ്ധതി നടപ്പിലാക്കിയത് എല്ലാ വിഭാഗം സംഘടനകളോടും ചർച്ച ചെയ്തിട്ടാണെന്നാണ് അദ്ദേഹം പറഞ്ഞത്.(Minister PA Mohammed Riyas about seaplane )
അതേസമയം, വനം വകുപ്പിന്റെ ആശങ്കയിൽ ചർച്ച നടത്തുമെന്നും അദ്ദേഹം കൂട്ടിച്ചേർത്തു. മാട്ടുപെട്ടി ഡാം പദ്ധതിയുടെ ഭാഗമാക്കുന്ന കാര്യത്തിലാണ് വനംവകുപ്പ് ആശങ്ക പ്രകടിപ്പിച്ചത്.
ആനത്താരയുടെ ഭാഗമാണ് ഡാമെന്നും, വിമാനം ഇറങ്ങുന്നത് ആനകളെ പ്രകോപിപ്പിക്കുമെന്നാണ് വനംവകുപ്പ് പറയുന്നത്. വനംവകുപ്പ് ഇക്കാര്യം അറിയിച്ചത് മുൻപ് നടന്ന സംയുക്ത പരിശോധനയിലാണ്. അതേസമയം നിലവിലെ പരീക്ഷണ ലാൻഡിങ്ങിന് എതിർപ്പില്ലെന്നും ഇവർ വ്യക്തമാക്കി.