കൊച്ചി: എറണാകുളം വല്ലാർപാടത്ത് നിയന്ത്രണംവിട്ട സ്വകാര്യബസ് വാഹനങ്ങളിലിടിച്ച് അപകടം നടന്നു. ബസ് ആംബുലൻസിലും കണ്ടെയ്നർ ലോറിയിലും ഇടിച്ചു. ഇരുപതോളം പേർക്ക് അപകടത്തിൽ പരിക്കേറ്റു.
എറണാകുളം ലൈറ്റ് ഹൗസ് റൂട്ടിൽ ഓടുന്ന ബസാണ് അപകടത്തിലായത്. തിങ്കളാഴ്ച വൈകിട്ട് ഏഴു മണിയോടെയാണ് അപകടം ഉണ്ടായത്. ആംബുലൻസിൽ ഉണ്ടായിരുന്ന രോഗിയെ ഗുരുതര പരിക്കുകളോടെ ആശുപത്രിയിലേക്ക് മാറ്റിയിട്ടുണ്ട്.