യോഗി ബാബു നായകനാകുന്ന 'സന്നിധാനം പി ഒ'യുടെ ഫസ്റ്റ് ലുക്ക് പ്രശസ്ത ചലച്ചിത്ര സംവിധായകൻ ചേരനും പ്രശസ്ത നടി മഞ്ജു വാര്യരും ചേർന്ന് പുറത്തിറക്കി. സർവത സിനി ഗാരേജ്, ഷിമോഗ ക്രിയേഷൻസ് എന്നീ ബാനറുകളിൽ മധു റാവു, വി വിവേകാനന്ദൻ, ഷബീർ പത്താൻ എന്നിവർ ചേർന്നാണ് ചിത്രം നിർമ്മിക്കുന്നത്.
170-ലധികം സിനിമകളിലൂടെ പ്രേക്ഷകരെ ആകർഷിച്ച ബഹുമുഖ തമിഴ് നടൻ യോഗി ബാബുവും, കന്നഡ സിനിമയിലെ മുൻനിര താരങ്ങളിലൊരാളായ രൂപേഷ് ഷെട്ടിയും, വർഷ വിശ്വനാഥും പ്രധാന വേഷങ്ങളിൽ അഭിനയിക്കുന്നു. സിതാര, പ്രമോദ് ഷെട്ടി, മൂന്നാർ രമേശ്, ഗജരാജ്, രാജ രുദ്രകോടി, സാത്വിക്, അശ്വിൻ ഹസ്സൻ, വിനോദ് സാഗർ, കൽക്കി രാജ, വിശാലിനി, തഷ്മിക ലക്ഷ്മൺ, മധു റാവു തുടങ്ങിയവരും സഹതാരങ്ങളായി എത്തുന്നു.
ശബരിമല അയ്യപ്പ ക്ഷേത്രം, പമ്പ, കേരളത്തിലെ എരുമേലി, തമിഴ്നാട്ടിലെ ചെന്നൈ, പൊള്ളാച്ചി എന്നിവയുൾപ്പെടെ പ്രശസ്തമായ സ്ഥലങ്ങളിലായാണ് ചിത്രം ചിത്രീകരിച്ചിരിക്കുന്നത്. ശക്തമായ മനുഷ്യ വികാരങ്ങളിൽ വേരൂന്നിയ ഈ കഥ ശബരിമലയിലേക്ക് പോകുന്ന ഭക്തർ നേരിടുന്ന ഒരു അപ്രതീക്ഷിത സംഭവത്തെയും തുടർന്നുള്ള ജീവിതത്തെ മാറ്റിമറിക്കുന്ന സംഭവങ്ങളെയും ആസ്പദമാക്കിയുള്ളതാണ്. തമിഴ്, കന്നഡ, തുളു, തെലുങ്ക്, മലയാളം ഭാഷകളിൽ ഒരു പാൻ- ഇന്ത്യൻ ചിത്രമായി നിർമ്മിച്ച 'സന്നിധാനം പി.ഒ' ഉടൻ റിലീസിനെത്തും. ഔദ്യോഗിക തീയതിഉടനെ പ്രഖ്യാപിക്കും.
തിരക്കഥയും കഥയും അജിനു അയ്യപ്പൻ തയ്യാറാക്കിയിരിക്കുന്നു, സംഗീതം എജിആർ ആണ്. വിനോദ് ഭാരതി ഛായാഗ്രഹണം കൈകാര്യം ചെയ്യുന്നു, പികെ എഡിറ്റിംഗ് നിർവഹിക്കുന്നു. വിജയ് തെന്നരസു (കലാ സംവിധായകൻ), മെട്രോ മഹേഷ് (സ്റ്റണ്ട്സ്), ജോയ് മതി (ഡാൻസ് കൊറിയോഗ്രഫി), നടരാജ് (വസ്ത്രാലങ്കാരം), മോഹൻ രാജൻ (ഗാനങ്ങൾ) എന്നിവരും സാങ്കേതിക സംഘത്തിലുണ്ട്.
കാസ്റ്റ്: യോഗി ബാബു, രൂപേഷ് ഷെട്ടി, സിതാര, പ്രമോദ് ഷെട്ടി, വർഷ വിശ്വനാഥ്, മൂന്നാർ രമേഷ്, ഗജരാജ്, രാജ രുദ്രകോടി, സാത്വിക്, അശ്വിൻ ഹസൻ, വിനോദ് സാഗർ, കൽക്കി രാജ, വിശാലിനി, തഷ്മിക ലക്ഷ്മൺ, മധു റാവു.
ക്രൂ: സംഭാഷണവും സംവിധാനവും – അമുത സാരഥി, കഥയും തിരക്കഥയും – അജിനു അയ്യപ്പൻ, നിർമ്മാതാക്കൾ – മധു റാവു, വി വിവേകാനന്ദൻ & ഷബീർ പത്താൻ, ബാനർ – സർവത സിനി ഗാരേജ് & ഷിമോഗ ക്രിയേഷൻസ്, DOP – വിനോദ് ഭാരതി, സംഗീതം – അരുൺ രാജ്, എഡിറ്റർ – പി.കെ
കലാസംവിധാനം – വിജയ് തെന്നരസു, സഹസംവിധായകർ – ഷക്കി അശോക് & സുജേഷ് ആനി ഈപ്പൻ, സ്റ്റണ്ട് – മെട്രോ മഹേഷ്, ഗാനരചന – മോഹൻ രാജൻ, ഡാൻസ് കൊറിയോഗ്രാഫർ – ജോയ് മതി,കോസ്റ്റ്യൂം ഡിസൈനർ – നടരാജ്, മേക്കപ്പ് – സി ഷിബുകുമാർ, പ്രൊഡക്ഷൻ കൺട്രോളർമാർ – റിച്ചാർഡ് & ഡി മുരുകൻ, എക്‌സിക്യൂട്ടീവ് പ്രൊഡ്യൂസർ – വിലോക് ഷെട്ടി, അസോസിയേറ്റ് ഡയറക്ടർമാർ – മുത്തു വിജയൻ, രാജാ സബാപതി, രാജാറാം,അസിസ്റ്റൻ്റ് ഡയറക്ടർമാർ – അഗ്നി മഹേന്ദ്രൻ, ശരവണൻ ജീവ, ഡിസൈനർ – വി എം ശിവകുമാർ, സ്റ്റിൽസ് – റെനി, പിആർഒ – ശബരി.