മുംബൈ: ബോളിവുഡ് താരം സോനം കപൂർ രണ്ടാം തവണയും അമ്മയാകുന്നു (Sonam Kapoor pregnant). താൻ ഗർഭിണിയാണെന്ന വിവരം മനോഹരമായ ചിത്രങ്ങളിലൂടെയാണ് താരം ആരാധകരുമായി പങ്കുവെച്ചത്. ഐവറി നിറത്തിലുള്ള ബ്ലേസർ സ്റ്റൈൽ ലോങ് ജാക്കറ്റും സ്കർട്ടും ധരിച്ച് ‘ബോസ് ലേഡി’ ലുക്കിലുള്ള ചിത്രങ്ങളാണ് സോനം ഇൻസ്റ്റഗ്രാമിൽ പോസ്റ്റ് ചെയ്തത്.
‘വർക്കിങ് മദർ’ എന്ന അടിക്കുറിപ്പോടെയാണ് താരം ചിത്രങ്ങൾ പങ്കുവെച്ചത്. ഗർഭകാലത്തും തന്റെ ഫാഷൻ സെൻസിൽ വിട്ടുവീഴ്ചയില്ലെന്ന് തെളിയിക്കുന്നതാണ് സോനത്തിന്റെ ഈ പുതിയ ലുക്ക്.ആദ്യ പ്രസവസമയത്തും വ്യത്യസ്തമായ മറ്റേണിറ്റി ഫോട്ടോഷൂട്ടുകളിലൂടെ സോനം ശ്രദ്ധിക്കപ്പെട്ടിരുന്നു. ഗർഭകാലത്തെ മനോഹരമായ ഒരു ആഘോഷമാക്കി മാറ്റുന്നതാണ് സോനത്തിന്റെ രീതി.
View this post on Instagram
2018-ലാണ് സോനവും വ്യവസായിയായ ആനന്ദ് അഹൂജയും വിവാഹിതരായത്. 2022-ൽ ഇവർക്ക് ആദ്യത്തെ മകൻ വായു ജനിച്ചു. 40-ാം വയസ്സിൽ രണ്ടാമത്തെ കുഞ്ഞിനെ സ്വീകരിക്കാനുള്ള ഒരുക്കത്തിലാണ് ഇപ്പോൾ താരം.ഫാഷൻ ലോകവും സിനിമാ സുഹൃത്തുക്കളും ഉൾപ്പെടെ നിരവധി പേരാണ് താരത്തിന് ആശംസകളുമായി എത്തുന്നത്.
