മുംബൈ (മഹാരാഷ്ട്ര): മുംബൈയിൽ നടന്ന മാതാപിതാക്കളായ സലിം ഖാന്റെയും സൽമ ഖാന്റെയും 61-ാം വിവാഹ വാർഷിക ആഘോഷത്തിൽ നടൻ സൽമാൻ ഖാൻ പങ്കെടുത്തു. തിങ്കളാഴ്ച നടന്ന സ്വകാര്യ പരിപാടിയിൽ കനത്ത സുരക്ഷയോടെയാണ് താരം എത്തിയത്. ആഘോഷത്തിനായി മുംബൈയിലെത്തി നടൻ വേദിക്ക് പുറത്ത് പാപ്പരാസികളെ അഭിവാദ്യം ചെയ്തു. കറുത്ത ജീൻസും കറുത്ത ടി- ഷർട്ടും ഇട്ടാണ് സൽമാൻ ആഘോഷത്തിനെത്തിയത്. (Salman Khan)
നിരവധി സെലിബ്രിറ്റികളാണ് കുടുംബത്തോടൊപ്പം ആഘോഷത്തിൽ പങ്കുചേരാനെത്തിയത്. സോനാക്ഷി സിൻഹ, സഹീർ ഇഖ്ബാൽ, ഇഷിത ദത്ത, വത്സൽ ഷെത്ത് എന്നിവർ അതിഥികളായി. സൽമാന്റെ സഹോദരീഭർത്താവ് ആയുഷ് ശർമ്മയും സലിം ഖാന്റെ മകൾ അൽവിര അഗ്നിഹോത്രിയും ഭർത്താവ് അതുൽ അഗ്നിഹോത്രിയും മകൾ അലിസേ അഗ്നിഹോത്രിയും ചടങ്ങിൽ പങ്കെടുത്തു.
ഹിന്ദി സിനിമയിലെ ആദരണീയനായ എഴുത്തുകാരനായ സലിം ഖാൻ, 'ഷോലെ', 'സഞ്ജീർ', 'ദീവാർ' തുടങ്ങിയ ചിത്രങ്ങളിലൂടെ പ്രശസ്തനാണ്. 1964 നവംബർ 18 ന് അദ്ദേഹം സൽമ ഖാനെ (മുമ്പ് സുശീല ചരക്) വിവാഹം കഴിച്ചു. സൽമാൻ, അർബാസ്, സൊഹൈൽ, അൽവിറ, അർപിത എന്നിങ്ങനെ അഞ്ച് മക്കളുണ്ട്. പിന്നീട് സലിം ഖാൻ 1981 ൽ നടനും നർത്തകിയുമായ ഹെലനെ വിവാഹം കഴിച്ചു.