ഉദയ്പൂർ: ഗോസിപ്പുകൾക്കും അഭ്യൂഹങ്ങൾക്കും വിരാമമിട്ട് നടി രശ്മിക മന്ദാനയും വിജയ് ദേവരകൊണ്ടയും വിവാഹിതരാകുന്നു (Rashmika Mandanna Wedding). ഏറെ നാളത്തെ പ്രണയത്തിനൊടുവിൽ ഇരുവരും വിവാഹവാർത്ത സ്ഥിരീകരിച്ചതോടെ ആരാധകർ വലിയ ആവേശത്തിലാണ്. ഉദയ്പൂരിൽ വെച്ച് നടക്കുന്ന സ്വകാര്യ ചടങ്ങിൽ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുക്കുന്നത്.
വിവാഹത്തിന് എത്തുന്ന അതിഥികൾക്ക് ഫോൺ ഉപയോഗിക്കുന്നതിനും ചിത്രങ്ങൾ പകർത്തുന്നതിനും കർശന വിലക്കുണ്ട്. സ്വകാര്യത മുൻനിർത്തിയാണ് താരങ്ങൾ ഇത്തരമൊരു തീരുമാനമെടുത്തത്. വിവാഹ ചിത്രങ്ങൾ പകർത്തുന്ന ഔദ്യോഗിക ഫോട്ടോഗ്രാഫർമാർ പോലും വിവരങ്ങൾ പുറത്തുവിടില്ലെന്ന് ഉറപ്പാക്കാൻ രഹസ്യ കരാറിൽ ഒപ്പിട്ടതായാണ് റിപ്പോർട്ടുകൾ.
നയൻതാര-വിഘ്നേഷ് വിവാഹം പോലെ ഇവരുടെ വിവാഹവും ഒരു ഡോക്യുമെന്ററിയായി പുറത്തിറങ്ങുമോ എന്ന ചർച്ചയിലാണ് ആരാധകർ.ഉദയ്പൂരിലെ ചടങ്ങുകൾക്ക് ശേഷം മാർച്ച് നാലിന് ഹൈദരാബാദിൽ വെച്ച് സിനിമാ മേഖലയിലെ സുഹൃത്തുക്കൾക്കായി ഗംഭീര റിസപ്ഷൻ നടക്കുമെന്നാണ് വിവരം.
2018-ൽ പുറത്തിറങ്ങിയ ‘ഗീത ഗോവിന്ദം’ എന്ന ചിത്രത്തിലൂടെയാണ് ഇരുവരും ഒന്നിച്ചഭിനയിച്ചത്. പിന്നീട് ‘ഡിയർ കോമ്രേഡ്’ കൂടി എത്തിയതോടെ ഈ ജോഡികൾക്ക് വലിയ ആരാധകവൃന്ദമുണ്ടായി. ഏഴ് വർഷത്തെ ഇടവേളയ്ക്ക് ശേഷം ഇരുവരും ഒന്നിക്കുന്ന ‘രണബാലി’ എന്ന പീരിയഡ് ആക്ഷൻ ചിത്രത്തിന്റെ അണിയറ പ്രവർത്തനങ്ങളും നടക്കുന്നുണ്ട്.
Story Summary: Actors Rashmika Mandanna and Vijay Deverakonda have officially confirmed their wedding, which is taking place in Udaipur. The private ceremony has a strict “no-phone” policy for guests, and photographers have signed NDAs. A grand reception is expected in Hyderabad on March 4.
