'എനിക്കു വേണ്ടി യുദ്ധം ചെയ്യാൻ കഴിയുന്ന, ദയയുള്ള ഒരാൾ മതി': രശ്മിക മന്ദാനയുടെ ജീവിത പങ്കാളി സങ്കൽപ്പം | Rashmika Mandanna

ബെംഗളൂരു: തന്റെ ജീവിത പങ്കാളിയെക്കുറിച്ചുള്ള കാഴ്ചപ്പാടുകൾ വെളിപ്പെടുത്തി തെന്നിന്ത്യൻ താരം രശ്മിക മന്ദാന. ഒരു ബന്ധത്തിൽ ആഴത്തിലുള്ള ധാരണയും വിശ്വസ്തതയുമാണ് താൻ ഏറ്റവും കൂടുതൽ വിലമതിക്കുന്നതെന്ന് രശ്മിക പറഞ്ഞു. അടുത്തിടെ നടന്ന ഒരു 'ഹോണസ്റ്റ് ടൗൺഹാൾ' പരിപാടിയിൽ സംസാരിക്കുകയായിരുന്നു താരം.(Rashmika Mandanna about her idea of life partner)

പരിപാടിയിൽ രശ്മികയോട് തന്റെ കൂടെ അഭിനയിച്ചിട്ടുള്ള നടന്മാരിൽ ആരെയാണ് കൊല്ലുക, വിവാഹം കഴിക്കുക, ഡേറ്റ് ചെയ്യുക എന്ന ചോദ്യം ഉയർന്നു. രശ്മികയുടെ മറുപടി ഇങ്ങനെയായിരുന്നു: "ഞാൻ വിജയ്‌യെ വിവാഹം കഴിക്കും." – താരത്തിന്റെ ഈ മറുപടി കേട്ട് പ്രേക്ഷകരിൽ നിന്ന് ഉച്ചത്തിലുള്ള ആർപ്പുവിളികളും കയ്യടികളും ഉണ്ടായി.

തുടർന്ന്, ആനിമേഷൻ കഥാപാത്രമായ നരുട്ടോയുമായി ഡേറ്റ് ചെയ്യുമെന്നും താരം കൂട്ടിച്ചേർത്തു. തന്റെ പങ്കാളി എങ്ങനെയായിരിക്കണം എന്നതിനെക്കുറിച്ചും രശ്മിക മനസ്സുതുറന്നു. "സത്യസന്ധമായി പറഞ്ഞാൽ, ആഴത്തിൽ മനസ്സിലാക്കാൻ കഴിവുള്ള ഒരാളാണ് എൻ്റെ മനസ്സിലുള്ളത്. സ്വന്തം വീക്ഷണകോണിൽ നിന്ന് ജീവിതത്തെ മനസ്സിലാക്കുക എന്നതാണ് പ്രധാനം. ചില സാഹചര്യങ്ങളെ അവൻ എങ്ങനെ കാണുന്നു എന്നതാണ് എനിക്ക് പ്രധാനം.

തുറന്ന മനസ്സുള്ള, ശരിക്കും ദയയുള്ള ഒരാളെയാണ് എനിക്ക് വേണ്ടത്. എല്ലാത്തിലുമുപരി, എന്നോടോ എനിക്കുവേണ്ടിയോ യുദ്ധം ചെയ്യാൻ കഴിയുന്ന ഒരാളുമായിരിക്കണം. അതാണ് എൻ്റെ മനസ്സിലുള്ള വ്യക്തി," രശ്മിക പറഞ്ഞു.