BJP : 'ഭാരതം നമ്മുടെ അമ്മയാണ്': BJP വേദിയിൽ സംഗീത സംവിധായകൻ ഔസേപ്പച്ചൻ, ഒപ്പം ഫക്രുദ്ദീൻ അലിയും

തൃശൂർ : ബി ജെ പി വേദിയിലെത്തി സംഗീത സംവിധായകൻ ഔസേപ്പച്ചൻ. അദ്ദേഹം പങ്കെടുക്കുന്നത് തൃശൂരിലെ ബി ജെ പി വികസന മുന്നേറ്റ ജാഥയിലാണ്. ഇത് നയിക്കുന്നത് പാർട്ടി സംസ്ഥാന ഉപാധ്യക്ഷൻ ബി ഗോപാലകൃഷ്ണനാണ്. രാഷ്ട്രീയ നിരീക്ഷകൻ ഫക്രുദ്ദീൻ അലിയും ഔസേപ്പച്ചനൊപ്പം എത്തിയിട്ടുണ്ട്. (Ouseppachan in BJP programme)

ഭാരതം നമ്മുടെ അമ്മയാണെന്ന് പറഞ്ഞ ഔസേപ്പച്ചൻ, രാജ്യത്തിൻ്റെ വളർച്ചയ്ക്കായി ഒറ്റക്കെട്ടായി പ്രവർത്തിക്കണമെന്നും കൂട്ടിച്ചേർത്തു. ബി ഗോപാലകൃഷ്ണൻ രാജ്യത്തിൻ്റെ വളർച്ചയ്ക്കായി പ്രവർത്തിക്കുന്നയാൾ ആണെന്നാണ് അദ്ദേഹം പറഞ്ഞത്.

നല്ല രാഷ്ട്രീയക്കാരെ തനിക്ക് ഇഷ്ടമാണെന്നാണ് ഫക്രുദ്ദീൻ അലിയുടെ പ്രതികരണം. സുരേഷ് ഗോപിയുടെ പ്രവർത്തനങ്ങൾ ഇഷ്ടമാണ് എന്നും, എന്നാൽ ചില സമയത്ത് പ്രതികരണങ്ങൾ കൈവിട്ടു പോകുന്നുണ്ടെന്നും അദ്ദേഹം ചൂണ്ടിക്കാട്ടി.