തിരുവനന്തപുരം: തന്റെ സിനിമയായ 'സമാന്തരങ്ങൾ'ക്ക് തീരുമാനിച്ച ദേശീയ ചലച്ചിത്ര പുരസ്കാരങ്ങൾ അവസാന നിമിഷം ജൂറി അട്ടിമറിച്ചെന്ന് നടനും സംവിധായകനുമായ ബാലചന്ദ്ര മേനോൻ ആരോപിച്ചു. ജൂറിയിലെ മലയാളി അംഗം അടക്കമുള്ളവർ ചേർന്നാണ് ഏകദേശം മൂന്ന് പതിറ്റാണ്ട് മുൻപ് ഈ അട്ടിമറി നടത്തിയതെന്നും അദ്ദേഹം വെളിപ്പെടുത്തി.(National Award denied to film, Balachandra Menon alleges Malayali member of the jury committed sabotage)
സിനിമാ ജീവിതത്തിന്റെ അരനൂറ്റാണ്ട് ആഘോഷിക്കുന്നതിന്റെ ഭാഗമായി നടത്തിയ മാധ്യമ സംവാദത്തിലാണ് ബാലചന്ദ്ര മേനോൻ ഈ ഗുരുതരമായ ആരോപണം ഉന്നയിച്ചത്.
'സമാന്തരങ്ങൾ' എന്ന സിനിമയ്ക്ക് മികച്ച ചിത്രം, മികച്ച സംവിധായകൻ, മികച്ച നടൻ എന്നീ പുരസ്കാരങ്ങൾ ലഭിക്കുമായിരുന്നു എന്നാണ് ബാലചന്ദ്ര മേനോൻ അവകാശപ്പെട്ടത്. ഈ ആരോപണത്തിന് തെളിവായി, അന്ന് ജൂറിയിലുണ്ടായിരുന്ന ദേവേന്ദ്ര ഖണ്ഡേൽവാൾ ഇത് വെളിപ്പെടുത്തുന്ന വിഡിയോ അദ്ദേഹം പ്രദർശിപ്പിച്ചു. എന്നാൽ, ഈ വിഷയത്തിൽ ഇടപെട്ട ജൂറി അംഗങ്ങളുടെ പേരുകൾ ബാലചന്ദ്ര മേനോൻ പരസ്യമാക്കിയില്ല.