മമ്മൂട്ടിയെ നായകനാക്കി ഗൌതം വസുദേവ് മേനോന് ഒരുക്കുന്ന ഡൊമിനിക് ആന്ഡ് ദി ലേഡീസ് പഴ്സ് എന്ന ചിത്രത്തിലെ ആദ്യ ഗാനം അണിയറക്കാര് പുറത്തുവിട്ടു. ഈ രാത്രി എന്ന് തുടങ്ങുന്ന ഗാനത്തിന് വരികള് എഴുതിയിരിക്കുന്നത് തിരുമാലിയും വിനായക് ശശികുമാറും ചേര്ന്നാണ്. ദര്ബുക ശിവയാണ് സംഗീതം പകര്ന്നിരിക്കുന്നത്. വിജയ് യേശുദാസ്, തിരുമാലി, സത്യപ്രകാശ്, പവിത്ര ചാരി എന്നിവര് ചേര്ന്നാണ് ആലപിച്ചിരിക്കുന്നത്.
ഡൊമിനിക് ഡിറ്റക്റ്റീവ്സ് എന്ന പേരില് കൊച്ചിയിൽ ഒരു ഡിറ്റക്റ്റീവ് ഏജന്സി നടത്തുന്ന ആളാണ് മമ്മൂട്ടി അവതരിപ്പിക്കുന്ന ടൈറ്റില് കഥാപാത്രം. ഡൊമിനിക്കിന്റെ അസിസ്റ്റന്റ് ആയി ഗോകുല് സുരേഷും ചിത്രത്തില് എത്തുന്നു. ഗൗതം വസുദേവ് മേനോന്റെ മലയാളം സംവിധാന അരങ്ങേറ്റമാണ് ഡൊമിനിക് . മമ്മൂട്ടി കമ്പനിയാണ് ചിത്രത്തിന്റെ നിര്മ്മാണം. ഈ ബാനര് നിര്മ്മിക്കുന്ന ആറാമത്തെ ചിത്രമാണ് ഇത്. ഷെര്ലക് ഹോംസുമായി സമാനതകളുള്ള എന്നാല് രസകരമായ ഒരു കഥാപാത്രത്തെയാണ് മമ്മൂട്ടി അവതരിപ്പിക്കുന്നതെന്ന് ചിത്രത്തിന്റെ തിരക്കഥാകൃത്തുക്കളില് ഒരാളായ നീരജ് നേരത്തെ ഒരു അഭിമുഖത്തില് പറഞ്ഞിരുന്നു.