തിരുവനന്തപുരം : പരമോന്നത പുരസ്‌കാരമായ ദാദാസാഹേബ് ഫാൽക്കെ പുരസ്ക്കാരം നേടിയ മലയാളത്തിൻ്റെ സ്വന്തം നടൻ മോഹൻലാലിനെ ആദരിക്കുന്ന ചടങ്ങ് ഇന്ന്. തിരുവനന്തപുരത്ത് വൈകുന്നേരം 5 മണിക്കാണ് ചടങ്ങ് നടക്കുന്നത്. (Mohanlal's tribute ceremony today )
'മലയാളം വാനോളം, ലാൽസലാം' എന്നാണ് പരിപാടിക്ക് നൽകിയിരിക്കുന്ന പേര്. സെന്‍ട്രല്‍ സ്റ്റേഡിയത്തില്‍ വച്ചാണ് പരിപാടി നടക്കുന്നത്. ഇന്ത്യൻ ചലച്ചിത്ര രംഗത്തെ പ്രമുഖർ ചടങ്ങിൽ പങ്കെടുക്കും.
സർക്കാരിനായി മോഹൻലാലിനെ ആദരിക്കുന്നത് മുഖ്യമന്ത്രി പിണറായി വിജയൻ ആണ്. പൊതുജനങ്ങൾക്ക് പരിപാടിയിൽ പ്രവേശനം സൗജന്യമാണ്. ക്രമീകരണങ്ങൾ ഒരുക്കിയിരിക്കുന്നത് വിവിധ വകുപ്പുകളുമായി സഹകരിച്ചാണ്. പ്രതിപക്ഷ നേതാവടക്കമുള്ളവർ പരിപാടിയിൽ പങ്കെടുക്കും.