സമൂഹ മാധ്യമങ്ങളിലൂടെ തന്നെ പരിഹസിച്ച വിമർശകന് മീനാക്ഷി അനൂപ് നല്കിയ മറുപടിക്ക് പ്രേക്ഷകരുടെ കൈയ്യടി. തന്റെ പോസ്റ്റിന് താഴെ 'ഊള' എന്ന് കമന്റ് ചെയ്ത ആള്ക്കാണ് മീനാക്ഷി മറുപടി നല്കിയിരിക്കുന്നത്. ഇയാളുടെ കമന്റിന്റെ സ്ക്രീന്ഷോട്ട് പങ്കുവച്ചു കൊണ്ടായിരുന്നു മീനാക്ഷിയുടെ പ്രതികരണം.
‘പരിചയപ്പെട്ടതില് സന്തോഷം. ഞാന് മീനാക്ഷി’ എന്നാണ് മീനാക്ഷി മറുപടി നല്കിയിരിക്കുന്നത്. നിരവധിപ്പേരാണ് വിഷയത്തിൽ നടിയെ അഭിനന്ദിച്ചെത്തുന്നത്.
‘കിട്ടിയോ ഇല്ല ചോദിച്ചു വാങ്ങി', 'ഇതിലും മികച്ച മറുപടി സ്വപ്നങ്ങളിൽ മാത്രം', 'അര്ഹിക്കുന്നതെ ആര്ക്കും ലഭിക്കൂ' മീനുവിന് ആശംസകളും, 'കൊടുത്താല് പാലായിലും കിട്ടും', 'അവന് ബഹിരാകാശത്ത് പറന്ന് നടക്കുന്നു, വയറു നിറഞ്ഞു' എന്നിങ്ങനെയാണ് സോഷ്യല് മീഡിയ കമന്റുകള്.
സമൂഹ മാധ്യമങ്ങളിൽ പങ്കുവയ്ക്കുന്ന ഫോട്ടോസിന് രസകരമായ അടിക്കുറിപ്പുകൾ നൽകി പ്രേക്ഷകരുടെ കൈയ്യടി നേടാറുള്ള നടിയും അവതാരകയുമാണ് മീനാക്ഷി അനൂപ്. സാമൂഹിക വിഷയങ്ങളിലുള്ള തന്റെ നിലപാടുകളിലൂടെ വാര്ത്തകളില് ഇടം നേടാറുള്ള മീനാക്ഷിയുടെ പോസ്റ്റുകളും വൈറലാകാറുണ്ട്.