മമ്മൂട്ടി ചെന്നൈയിൽ നിന്നും കൊച്ചിയിലെത്തി എന്ന പേരില്‍ പ്രചരിക്കുന്ന വീഡിയോ വ്യാജം. താരം ഇപ്പോഴും ചെന്നൈയില്‍ തന്നെയാണ് ഉള്ളത്. മമ്മൂട്ടി തിരികെ കൊച്ചിയിലെത്തി എന്ന പേരില്‍ പ്രചരിക്കുന്ന വീഡിയോ പഴയതാണ്. മാസങ്ങള്‍ക്ക് മുമ്പ് ഭാര്യ സുല്‍ഫത്തിനും മക്കളായ സുറുമിക്കും ദുല്‍ഖറിനുമൊപ്പം കൊച്ചിയിലെത്തിയ മമ്മൂട്ടിയുടെ ഒരു വീഡിയോയാണ് സോഷ്യല്‍ മീഡിയയിൽ ഇപ്പോൾ പ്രചരിക്കുന്നത്.
പൂര്‍ണരോഗമുക്തി നേടി എന്ന വാര്‍ത്തകള്‍ ചൊവ്വാഴ്ച സ്ഥിരീകരിച്ചെങ്കിലും കൊച്ചിയിലേയ്ക്ക് എന്നെത്തുമെന്ന് വ്യക്തമാക്കിയിട്ടില്ല. എങ്കിലും പിറന്നാള്‍ ദിനത്തില്‍ ആരാധകര്‍ക്കായി മമ്മൂട്ടി കൊച്ചിയിലുണ്ടാകുമെന്നാണ് പ്രതീക്ഷ.