ലോക: ചാപ്റ്റർ 2; ചാത്തനും ഓടിയനും ഒരുമിച്ച് - വീഡിയോ | Loka : Chapter 2

‘ലോക’ സിനിമയിൽ ചാത്തനെയും ഒടിയനെയും ഒരുമിച്ചു കാണാൻ കാത്തിരുന്നവർക്ക് സർപ്രൈസുമായി അണിയണപ്രവർത്തകർ. ചാത്തനും ഒടിയനും ഒരുമിച്ചുള്ള രംഗമാണ് അണിയറക്കാർ റിലീസ് ചെയ്തത്. ലോക ചാപ്റ്റർ 2 വിലേക്കുള്ള ചവിട്ടു പടികൂടിയാണ് ഈ വിഡിയോ.

ടൊവിനോ അവതരിപ്പിക്കുന്ന ചാത്തന്റെ മൂത്ത സഹോദരനാകും ചാപ്റ്റര്‍ 2വിൽ വില്ലനായി എത്തുക. ഈ കഥാപാത്രത്തെ അവതരിപ്പിക്കുന്നതും ടൊവിനോ തന്നെയാണ്. ലോക: ചാപ്റ്റർ വണ്‍ സിനിമയുടെ അവസാനം ഈ കഥാപാത്രത്തെ കാണിക്കുന്നുണ്ട്. ചാപ്റ്റർ 2വിൽ ദുൽഖർ ചെയ്യുന്ന ഒടിയൻ കഥാപാത്രവും എത്തിയേക്കും എന്ന സൂചനയും ഈ പ്രമോ വിഡിയോയിലുണ്ട്.

ആദ്യ ഭാഗത്തേക്കാൾ വലിയ മുതൽ മുടക്കിലാകും രണ്ടാം ഭാഗം ഒരുങ്ങുക. 390 ചാത്തന്മാരെ ചുറ്റിപ്പറ്റിയുള്ള സിനിമയാകും ലോക: ചാപ്റ്റർ 2.