റിലീസ് ചെയ്ത് ഒരു വർഷത്തിനിപ്പുറം ലോകേഷ് കനഗരാജ് സംവിധാനം ചെയ്ത ബ്ലോക്ക്ബസ്റ്റർ വിജയ് ചിത്രം ലിയോയുടെ മേക്കിങ് വീഡിയോ പുറത്ത് വിട്ട് അണിയറപ്രവർത്തകർ. തിയറ്ററിൽ ആരാധകർ ആഘോഷമാക്കിയ സ്റ്റണ്ട് സീക്വൻസുകളുടെയും CGI ഉപയോഗിച്ചു സൃഷ്ട്ടിച്ച കഴുതപ്പുലിയുമായുള്ള ആക്ഷൻ സീനിന്റെയും BEHIND THE SCENES ഫുട്ടേജുകൾ വിഡിയോയിൽ ഉൾപ്പെടുത്തിയിട്ടുണ്ട്. സോണി മ്യൂസിക് സൗത്ത് ചാനലിലൂടെ 'ദി ലിയോ ക്രോണിക്കൽസ്' എന്ന പേരിൽ റിലീസ് ചെയ്ത 8 മിനുട്ടിനടുത്ത് ദൈർഘ്യമുള്ള വീഡിയോ ഇതിനോടകം 3 മില്യൺ ആളുകൾ കണ്ടിട്ടുണ്ട്.
തമിഴിൽ ഡയലോഗ് പറയുന്ന സഞ്ജയ് ദത്തിനെ വിസിലടിച്ച് പ്രോത്സാഹിപ്പിച്ചും, മാത്യു തോമസിന്റെ കൂടെ ബാഡ്മിന്റൺ കളിച്ചും ക്രൂവിന്റെ കൂടെ ക്രിക്കറ്റ് കളിച്ചും നടക്കുന്ന വിജയുടെ ദൃശ്യങ്ങൾക്ക് സോഷ്യൽ മീഡിയയിൽ വൻ വരവേൽപ്പാണ് ആരാധകർ നൽകുന്നത്. യുട്യൂബ് ട്രെൻഡിങ്ങിൽ വീഡിയോ മൂന്നാം സ്ഥാനത്താണ്.