ബോളിവുഡ് സിനിമാ രംഗത്ത് പ്രശസ്തനായ ഗായകൻ കുമാർ സാനുവുമായുള്ള ബന്ധത്തെക്കുറിച്ച് തുറന്നുപറഞ്ഞ് നടി കുനികാ സദാനന്ദ്. തന്റെ ജീവിതത്തിൽ നടന്ന കാര്യങ്ങളെക്കുറിച്ചോ കുമാർ സാനുവുമായുള്ള ബന്ധത്തെക്കുറിച്ചോ തനിക്ക് ഒളിച്ചുവെക്കാൻ ഒന്നുമില്ലെന്ന് കുനികാ വ്യക്തമാക്കി.
1990-കളിലെ ബോളിവുഡ് മാഗസിനുകളിലും സിനിമ ഗോസിപ്പ് കോളങ്ങളിലും നിറഞ്ഞുനിന്നിരുന്ന ഒരു ബന്ധമായിരുന്നു കുമാർ സാനു- കുനികായുടേത്. എന്നാൽ ആ ബന്ധം ഒരു പ്രത്യേക കാരണത്താൽ പെട്ടെന്ന് അവസാനിക്കുകയും ചെയ്തു. ഒരു അഭിമുഖത്തിലാണ് നടി തന്റെ പഴയകാല ബന്ധങ്ങളെക്കുറിച്ചും വിവാഹത്തെക്കുറിച്ചും സംസാരിച്ചത്.
താൻ കുമാർ സാനുവുമായി നല്ല സൗഹൃദത്തിലായിരുന്നുവെന്നും, അത് ഒരു സൗഹൃദ ബന്ധത്തിൽ നിന്ന് കൂടുതൽ മുന്നോട്ട് പോവുകയായിരുന്നുവെന്നും അവർ സമ്മതിച്ചു. "അക്കാലത്ത് കുമാർ സാനുവിന്റെ വിവാഹം കഴിഞ്ഞിരുന്നില്ല. അദ്ദേഹത്തിന്റെ ഭാര്യയും കുട്ടികളുമെല്ലാം വിദേശത്തായിരുന്നതിനാലും, അദ്ദേഹം ഒറ്റയ്ക്കായിരുന്നതിനാലും ഞങ്ങൾ കൂടുതൽ അടുത്തു. ഞങ്ങൾ പരസ്പരം ഇഷ്ടത്തിലായിരുന്നെങ്കിലും, ആ ബന്ധം താൽക്കാലികമായിരുന്നു. കുമാർ സാനുവുമായുള്ള ബന്ധത്തെ ഞാൻ ഒരിക്കലും മറച്ചുവെക്കാൻ ശ്രമിച്ചിട്ടില്ല. എനിക്കൊരിക്കലും ഒരു 'ഒളിച്ചുകളി' ആവശ്യമില്ലായിരുന്നു. ആ ബന്ധം അവസാനിപ്പിക്കാനുള്ള കാരണം എൻ്റെ നിലപാടുകളായിരുന്നു." -കുനികാ സദാനന്ദ് വെളിപ്പെടുത്തി.
"ഞാൻ ആരുടെയും പേഴ്സണൽ അസിസ്റ്റന്റോ, ആരും പറയുന്നതനുസരിച്ച് പ്രവർത്തിക്കുന്ന വ്യക്തിയോ ആയിരുന്നില്ല. സ്വന്തമായി തീരുമാനങ്ങൾ എടുക്കുകയും ആത്മാഭിമാനം സംരക്ഷിക്കുകയും ചെയ്യുന്ന ഒരു വ്യക്തിയായിരുന്നു. എന്നാൽ കുമാർ സാനുവിന്റെ ചുറ്റുമുള്ളവർ അദ്ദേഹത്തിന്റെ താൽപ്പര്യങ്ങൾ സംരക്ഷിക്കുന്നവരായിരുന്നു. ഈ സാഹചര്യത്തിൽ എനിക്ക് മുന്നോട്ട് പോകാൻ സാധിക്കില്ലായിരുന്നു. എന്റെ സ്വാതന്ത്ര്യവും സ്വയബോധവും നഷ്ടപ്പെടുന്ന രീതിയിലേക്ക് കാര്യങ്ങൾ മാറിയപ്പോൾ ഞാൻ ആ ബന്ധത്തിൽ നിന്നും പുറത്തുവരികയായിരുന്നു." - കുനികാ കൂട്ടിച്ചേർത്തു.