ലുക്മാൻ അവറാനെ നായകനാക്കി അക്ഷയ് അശോക് തിരക്കഥയെഴുതി സംവിധാനം ചെയ്ത ചിത്രമാണ് ‘കുണ്ടന്നൂരിലെ കുത്സിതലഹള’. കേഡർ സിനി ക്രിയേഷൻസിൻ്റെ ബാനറിൽ ഒരുങ്ങിയ ചിത്രം 2024 ഒക്ടോബർ 24നാണ് തീയേറ്ററുകളിൽ എത്തിയത്. റിലീസ് ചെയ്ത് എട്ട് മാസങ്ങൾക്ക് ശേഷം ചിത്രം വീണ്ടും ഒടിടിയിലൂടെ പ്രേക്ഷകരിലേക്ക് എത്തുകയാണ്.
വമ്പൻ താരനിരകളില്ലാതെ ചെറിയ ബഡ്ജറ്റിൽ ഒരുക്കിയ ആക്ഷൻ കോമഡി ചിത്രമായ ‘കുണ്ടന്നൂരിലെ കുത്സിതലഹള’ സൈന പ്ലേയിലൂടെയാണ് ഒടിടിയിലെത്തുന്നത്. ചിത്രം ഉടൻ സ്ട്രീമിങ് ആരംഭിക്കുമെന്ന് സൈന പ്ലേ ഔദ്യോഗികമായി അറിയിച്ചു.
അക്ഷയ് അശോക് സംവിധാനം ചെയ്ത ചിത്രത്തിൽ ലുക്മാൻ അവറാന് പുറമെ വീണാ നായർ, ആശാ മഠത്തിൽ, ജെയിൻ ജോർജ്, സുനീഷ് സാമി, പ്രദീപ് ബാലൻ, ദാസേട്ടൻ കോഴിക്കോട്, സെൽവരാജ്, ബേബി, മേരി, അനുരദ് പവിത്രൻ, അധിൻ ഉള്ളൂർ, സുമിത്ര, ആദിത്യൻ എന്നിവരും അണിനിരക്കുന്നു. കൂടാതെ നിരവധി പുതുമുഖ താരങ്ങളും ചിത്രത്തിൽ വേഷമിട്ടു. ഒരു ഗ്രാമത്തിലെ സ്ത്രീകളുടെയും യുവാക്കളുടെയും ജോലി ചെയ്യാൻ മടിയുള്ള ഭർത്താന്മാരുടെയും ജീവിതത്തിലുണ്ടാകുന്ന അസാധാരണ സംഭവങ്ങളാണ് ചിത്രം അവതരിപ്പിക്കുന്നത്.
കേഡർ സിനി ക്രിയേഷൻസിന്റെ ബാനറിൽ ഒരുക്കിയ ചിത്രത്തിന്റെ ഛായാഗ്രഹണം നിർവഹിച്ചത് ഫജു എ വിയാണ്. അശ്വിൻ ബി ആണ് എഡിറ്റിങ് നിർവഹിച്ചിരിക്കുന്നത്. അക്ഷയ് അശോക്, ജിബിൻ കൃഷ്ണ, മുരുകൻ മന്ദിരം എന്നിവരുടെ വരികൾക്ക് സംഗീതം പകർന്നത് മെൽവിൻ മൈക്കിളാണ്. ബെന്നി ദയാൽ, വൈക്കം വിജയലക്ഷ്മി, ജാസി ഗിഫ്റ്റ്, അൻവർ സാദത്ത്, അനന്യ ചക്രവർത്തി എന്നിവരാണ് ഗായകർ.
മറ്റ് അണിയറപ്രവർത്തകർ - പ്രൊഡക്ഷൻ കൺട്രോളർ: അജി പി ജോസഫ്, മേക്കപ്പ്: ബിജി ബിനോയ്, കോസ്റ്റ്യൂംസ്: മിനി സുമേഷ്, കല: നാരായണൻ, പരസ്യകല: അദിൻ ഒല്ലൂർ, ചീഫ് അസോസിയേറ്റ് ഡയറക്ടർ: അദിൻ ഒല്ലൂർ, സൗരഭ് ശിവ, പ്രൊഡക്ഷൻ മാനേജർ: നിഖിൽ സി എം, വിഎഫ്എക്സ്: രൻതീഷ് രാമകൃഷ്ണൻ, ആക്ഷൻ: റോബിൻ ടോം, ടൈറ്റിൽ ഡിസൈൻ: അനന്തു ഡിസൈൻ, സൗണ്ട് ഡിസൈൻ: അക്ഷയ് രാജ് കെ, ഇമിൻ ടോം മാത്യൂസ്, പി ആർ ഒ: എ എസ് ദിനേശ്.