തന്റെ ജീവിതത്തിലെ ഏറ്റവും പ്രിയപ്പെട്ട വ്യക്തിയായ രവി മോഹന് നന്ദി പറഞ്ഞുകൊണ്ട് ഗായിക കെനിഷ ഫ്രാൻസിസ് പങ്കുവെച്ച ജന്മദിന പോസ്റ്റ് ശ്രദ്ധേയമാകുന്നു (Kenishaa Francis Singer). രവി മോഹനുമായി കെനിഷ പ്രണയത്തിലാണെന്ന ഗോസിപ്പുകൾ നിലനിൽക്കുന്നതിനിടയിലാണ്, തന്റെ ലോകം മാറ്റിമറിച്ച വ്യക്തിയാണ് രവി എന്ന് ഗായിക തുറന്നുപറഞ്ഞത്.
ചെറുപ്പം മുതൽ താൻ അവഗണിക്കപ്പെട്ടതായും ആരും ശ്രദ്ധിക്കാത്തതായും തോന്നിയിരുന്നതായി കെനിഷ കുറിച്ചു. തന്നെ പലരും തെറ്റിദ്ധരിച്ചതായും താൻ ഒരുപാട് കാര്യങ്ങൾ ആവശ്യപ്പെടുന്നവളാണെന്ന് വിശ്വസിപ്പിക്കാൻ ശ്രമിച്ചതായും താരം വെളിപ്പെടുത്തി.
“രവി മോഹൻ, താങ്കൾ എല്ലാം മാറ്റിമറിച്ചു,” എന്നാണ് കെനിഷ കുറിച്ചത്. തന്റെ ചിന്തകളെയും ജീവിതത്തോടും പ്രണയത്തോടുമുള്ള കാഴ്ചപ്പാടിനെയും രവി സ്വാധീനിച്ചു. തന്റെ ഇരുണ്ട കാലഘട്ടത്തിലും പരാജയങ്ങളിലും തളരാതെ കൂടെ നിന്നതിനും ഓരോ വിജയവും ആഘോഷമാക്കിയതിനും രവിക്ക് ഗായിക നന്ദി പറഞ്ഞു.
തങ്ങൾക്കിടയിലെ ബന്ധത്തെ ചിലർ വ്യത്യസ്തമായി കണ്ടേക്കാം. എന്നാൽ സൂക്ഷ്മമായി നോക്കുന്നവർക്ക് അതിന്റെ പരിശുദ്ധിയും തങ്ങൾ പങ്കുവയ്ക്കുന്ന സമാധാനവും തിരിച്ചറിയാൻ കഴിയുമെന്നും കെനിഷ വ്യക്തമാക്കി. തന്റെ ജന്മദിനം പവിത്രവും സ്പെഷ്യലുമാക്കിയതിന് നന്ദി പറഞ്ഞ താരം, ഭാവിയിലേക്ക് നൃത്തം ചെയ്ത് കടന്നുചെല്ലാനാണ് താൻ ആഗ്രഹിക്കുന്നതെന്നും കൂട്ടിച്ചേർത്തു. ജന്മദിന ആഘോഷത്തിന്റെ മനോഹരമായ ചിത്രങ്ങളും കുറിപ്പിനൊപ്പം പങ്കുവെച്ചിട്ടുണ്ട്.
