രാജമൗലിയുടെ സംവിധാനത്തിൽ മഹേഷ് ബാബു നായകനാകുന്ന ബ്രഹ്‌മാണ്ഡ ചിത്രം ssmb29ന്റെ മേക്കിങ് വീഡിയോ ലീക്കായി. വിഡിയോയിൽ പൊടി പറക്കുന്ന ഒരു വിജന പ്രദേശത്ത് വീൽ ചെയറിൽ ഒരാൾ ചെരിഞ്ഞ് ഇരിക്കുന്നു, അവർക്ക് മുന്നിലേയ്ക്ക് അയാളുടെ ആയുധ ധാരിയായ അനുയായികൾ മഹേഷ് ബാബുവിനെ ഉന്തിത്തള്ളി നിർത്തുകയും, മഹേഷ് ബാബു മുട്ട് കുത്തി അയാളുടെ മുന്നിലിരിക്കുകയും ചെയ്യുന്ന ദൃശ്യങ്ങൾ ആണിപ്പോൾ സോഷ്യൽ മീഡിയയിൽ പ്രചരിക്കുന്നത്.
വീൽ ചെയറിൽ ഇരിക്കുന്നത് ചിത്രത്തിൽ വില്ലൻ വേഷം ചെയ്യുന്ന സാക്ഷാൽ പൃഥ്വിരാജാണെന്നാണ് ആരാധകർ പറയുന്നത്. അവ്യക്തമായ വീഡിയോയോ ആണെങ്കിലും സൈഡിൽ നിന്ന് നോക്കിയാൽ പൃഥ്വിരാജ് തന്നെയെന്ന് മനസിലാകുമത്രേ.ലീക്കായ വിഡിയോയിൽ ഗ്രാഫിക്ക്സ് ഉപയോഗിക്കുന്നതിന് ഉപയോഗിച്ചിരിക്കുന്ന നീല നിറത്തിലുള്ള ഭീമൻ തൂണുകളും കാണാം. മഹേഷ് ബാബുവിനും പൃഥ്വിരാജ് സുകുമാരനും ഒപ്പം ജോൺ ഏബ്രഹാമും പ്രിയങ്ക ചോപ്രയും ചിത്രത്തിൽ സുപ്രധാന വേഷങ്ങളിൽ എത്തുന്നുണ്ട്.