സിജു വില്‍സനെ നായകനാക്കി നവാഗതനായ അഭിലാഷ് ആര്‍. നായര്‍ തിരക്കഥ രചിച്ച് സംവിധാനം ചെയ്യുന്ന പുതിയ ചിത്രമാണ് ഡോസ്. എ സിനിമാറ്റിക് ഫിലിംസിന്റെ ബാനറില്‍ ഷാന്റോ തോമസ് നിര്‍മിക്കുന്ന ചിത്രത്തിന്റെ ചിത്രീകരണം ചൊവ്വാഴ്ച്ച റാന്നി വടശേരിക്കര അയ്യപ്പ മെഡിക്കല്‍ കോളജില്‍ ആരംഭിച്ചു. വടശേരിക്കര പഞ്ചായത്തു പ്രസിഡന്റ് ലതാ മോഹന്‍ ആദ്യ ഭദ്രദീപം തെളിയിക്കുകയും തുടര്‍ന്ന് അഭിനേതാക്കളും അണിയറ പ്രവര്‍ത്തകരും ചേര്‍ന്നു അത് പൂര്‍ത്തീകരിക്കുകയും ചെയ്തുകൊണ്ടാണ് ചിത്രീകരണത്തിനു തുടക്കമായത്.
'ദൂരെ' എന്ന മ്യൂസിക്ക് ആല്‍ബവും ഒരുക്കിക്കൊണ്ടാണ് അഭിലാഷ് ആര്‍. നായര്‍ തിരക്കഥ രചിച്ച് മെയിന്‍ സ്ട്രീം സിനിമയുടെ അമരക്കാരനാകുന്നത്. അങ്കിത് ത്രിവേദി, കുര്യന്‍ മാത്യു, ജോജോണി ചിറമ്മല്‍, (വണ്ടര്‍ മൂവി പ്രൊഡക്ഷന്‍സ്, മസ്‌ക്കറ്റ് മൂവി മേക്കേഴ്‌സ്, സിനിമ നെറ്റ്വര്‍ക്ക്, വില്‍സണ്‍ പിക്‌ചേഴ്‌സ് ) എന്നിവരാണ് കോ - പ്രൊഡ്യൂസേഴ്‌സ്, ദൃശ്യാ രഘുനാഥ്, കൃഷാ കുറുപ്പ്, റിതാ ഫാത്തിമ എന്നിവരും പ്രധാന താരങ്ങളായെത്തുന്നു. നമ്ബ്യാങ്കാവ്, റാന്നി, പത്തനംതിട്ട ഭാഗങ്ങളിലായി ഈ ചിത്രത്തിന്റെ ചിത്രീകരണം പൂര്‍ത്തിയാകും.
ഛായാഗ്രഹണം - വിഷ്ണുപ്രസാദ്, എഡിറ്റിംഗ് - ശ്വാം ശശിധരന്‍, പ്രൊഡക്ഷന്‍ ഡിസന്‍- അപ്പു മാരായി, മേക്കപ്പ് - പ്രണവ് മാസന്‍, കോസ്റ്റ്യും ഡിസൈന്‍- സുല്‍ത്താനാ റസാഖ്, പ്രൊജക്റ്റ് ഡിസൈന്‍ - മനോജ് കുമാര്‍ പാരിപ്പള്ളി, ചീഫ് അസോസിയേറ്റ് ഡയറക്ടര്‍ - അനന്തു ഹരി, പ്രൊജക്റ്റ് കോ -ഓര്‍ഡിനേറ്റര്‍ - ഭാഗ്യരാജ്‌പെഴും പാര്‍, കാസ്റ്റിംഗ് - സൂപ്പര്‍ ഷിബു, ആക്ഷന്‍ -കലൈകിംഗ്സ്റ്റണ്‍, മാര്‍ക്കറ്റിംഗ് ഹെഡ് -- കണ്ടന്റ് ഫാക്ടറി, ആന്റണി വര്‍ഗീസ്, സ്റ്റില്‍സ്-നൗഷാദ്, ഡിസൈന്‍ - യെല്ലോ ടൂത്ത്, പ്രൊഡക്ഷന്‍ മാനേജര്‍ ജോബി, പ്രൊഡക്ഷന്‍ എക്‌സിക്കുട്ടീവ് --ജിബി കണ്ടഞ്ചേരി, പ്രൊഡക്ഷന്‍ കണ്‍ട്രോളര്‍ - പ്രസാദ്.