തിരുവനന്തപുരം: പ്രേക്ഷകർ ഏറെ പ്രതീക്ഷയോടെ കാത്തിരിക്കുന്ന ദൃശ്യം 3 യുടെ ചിത്രീകരണം ഒക്ടോബറിൽ ആരംഭിക്കുമെന്ന് മോഹൻലാൽ എക്‌സിലൂടെ ഔദ്യോഗികമായി അറിയിച്ചു(Drishyam 3). ദൃശ്യത്തിലെ കേന്ദ്ര കഥാപാത്രമായ ജോർജ്ജ്കുട്ടിയുടെ ക്ലോസ്-അപ്പ് ഷോട്ടിൽ ആരംഭിച്ച്, സംവിധായകൻ ജീത്തു ജോസഫിനും നിർമ്മാതാവ് ആന്റണി പെരുമ്പാവൂരിനും മോഹൻലാൽ കൈ കൊടുക്കുന്ന ഒരു വീഡിയോയും അദ്ദേഹം എക്‌സിലൂടെ പങ്കുവച്ചു. "ഒക്ടോബർ 2025 - ക്യാമറ ജോർജ്ജ്കുട്ടിയിലേക്ക് തിരിയുന്നു. ഭൂതകാലം ഒരിക്കലും നിശബ്ദമാകില്ല. # ദൃശ്യം3 " - എന്ന അടിക്കുറിപ്പോടെയാണ് നടൻ പോസ്റ്റ് പങ്കിട്ടത്.