‘കങ്കുവ’ കേരളത്തില്‍ നിന്ന് മികച്ച പ്രതികരണം; സംവിധായകൻ ശിവ | director siva excited about kanguva reaction

ആദ്യദിനത്തിൽ തന്നെ  കങ്കുവക്ക് മികച്ച പ്രതികരണം ലഭിക്കുന്നു എന്നു സംവിധായകൻ ശിവ(director siva excited about kanguva reaction). ചെന്നൈയിൽ ചിത്രത്തിൻ്റെ ആദ്യ ഷോ കാണാൻ തിയറ്ററിൽ എത്തിപ്പോഴാണ് മാധ്യമങ്ങളോട് പ്രതികരിച്ചത്. കേരളത്തിലെ തിയേറ്ററുകളിലെത്തിച്ചത് ശ്രീ ഗോകുലം മൂവീസിന്‍റെ ബാനറിൽ ഗോകുലം ഗോപാലൻ ആണ്.

'കേരളത്തില്‍ നിന്ന് മികച്ച പ്രതികരണമാണെന്നും ആളുകൾ വിളിച്ച് നല്ല അഭിപ്രായമാണ് പറയുന്നതെന്നും ശിവ വ്യക്തമാക്കി. അവസാനം കങ്കുവ തീയറ്ററുകളിൽ എത്തിയിരിക്കുന്നു. ഒത്തിരി സന്തോഷത്തിലാണുള്ളത്. അമേരിക്കയിൽ നിന്നും സിനിമ കണ്ടിറങ്ങിയ സ്നേഹിതർ ഇപ്പോള്‍ വിളിച്ചിരുന്നു. അതി ഗംഭീര വിജയമാകും സിനിമയെന്നാണ് അവർ പറയുന്നത്. ഇപ്പോഴാണ് പൂർണ തൃപ്തിയായത്. വളരെ സന്തോഷത്തിലും ആകാംക്ഷയിലുമാണ് ഞാനുള്ളത്.' – ശിവയുടെ വാക്കുകള്‍.

രണ്ട് കാലഘട്ടങ്ങളിലായി കഥ പറയുന്ന സിനിമയിൽ ആദ്യ മിനിറ്റുകളിൽ പുതിയ കാലത്തെ സൂര്യ കഥാപാത്രമാണ് പ്രത്യക്ഷപ്പെടുന്നത്.  സ്‌റ്റുഡിയോ ഗ്രീനിന്‍റെ ബാനറിൽ കെ ഇ ജ്ഞാനവേല്‍ രാജ, യു വി ക്രിയേഷൻസിന്‍റെ ബാനറിൽ വംശി പ്രമോദ് എന്നിവർ ചേർന്നാണ് ചിത്രം നിർമിച്ചത്. 350 കോടി ബജറ്റിലാണ് ചിത്രം ഒരുക്കിയത്.