മുംബൈ: വിവാഹത്തെക്കുറിച്ചും ഭാവിജീവിതത്തെക്കുറിച്ചുമുള്ള തന്റെ നിലപാടുകൾ വ്യക്തമാക്കി നടി ഡെയ്സി ഷാ (Daisy Shah Egg Freezing). ഒരു കുടുംബം കെട്ടിപ്പടുക്കാൻ വിവാഹം കഴിക്കണമെന്ന നിർബന്ധം തനിക്കില്ലെന്നും, വിവാഹിതയാകാതെ തന്നെ അമ്മയാകാൻ താൻ തയ്യാറാണെന്നും താരം പറഞ്ഞു. ‘ഫിലിം ഗ്യാൻ’ നൽകിയ അഭിമുഖത്തിലാണ് ഡെയ്സി മനസ്സ് തുറന്നത്.
“ഞാൻ എന്റെ അണ്ഡം ശീതീകരിച്ച് സൂക്ഷിച്ചിട്ടുണ്ട്. അതിനാൽ എപ്പോൾ വേണമെങ്കിലും എനിക്ക് അമ്മയാകാൻ കഴിയും. എനിക്ക് എന്റെ സ്വന്തം കുഞ്ഞിനെ തന്നെ ലഭിക്കും.” വിവാഹത്തെക്കുറിച്ച് ഇപ്പോൾ ആലോചിക്കുന്നില്ലെന്നും എല്ലാം ദൈവത്തിന് വിട്ടുകൊടുത്തിരിക്കുകയാണെന്നും താരം പറഞ്ഞു. സ്വന്തമായി ഒരു വീട് വേണമെന്നും കുടുംബത്തിന് നല്ലൊരു ജീവിതം നൽകണമെന്നുമുള്ള തന്റെ ആഗ്രഹങ്ങൾ ഇതിനോടകം സഫലമായതായും ഡെയ്സി കൂട്ടിച്ചേർത്തു.
സൽമാൻ ഖാൻ ചിത്രം ‘തേരേ നാം’ (2003) എന്ന സിനിമയിലെ ഗാനരംഗത്തിൽ ബാക്ക്ഗ്രൗണ്ട് ഡാൻസറായാണ് ഡെയ്സി തന്റെ കരിയർ ആരംഭിച്ചത്. പിന്നീട് 2014-ൽ സൽമാൻ ഖാൻ നായകനായ ‘ജയ് ഹോ’ എന്ന ചിത്രത്തിലൂടെ നായികയായി ശ്രദ്ധിക്കപ്പെട്ടു. 2018-ൽ ‘റേസ് 3’ എന്ന ബിഗ് ബജറ്റ് ചിത്രത്തിലും പ്രധാന വേഷം ചെയ്തു. 2024-ൽ ‘റെഡ് റൂം’ എന്ന വെബ് സീരീസിലൂടെ ഒടിടി പ്ലാറ്റ്ഫോമിലും താരം സാന്നിധ്യമറിയിച്ചു.
Story Summary: Bollywood actress Daisy Shah revealed in a recent interview that she has frozen her eggs and plans to become a mother whenever she chooses, potentially without getting married. She emphasized that marriage is not a prerequisite for building a family. Daisy, who rose to fame with ‘Jai Ho’ and ‘Race 3’, shared her progressive views on marriage and motherhood.
