ചെന്നൈ: ലോകത്തിന്റെ ചെസ്സ് ചാമ്പ്യൻ ഡി. ഗുകേഷ് ദൊമ്മരാജു രജനികാന്തിനെയും ശിവകാർത്തികേയനെയും സന്ദർശിച്ചത്തിന്റെ ചിത്രങ്ങൾ സോഷ്യൽ മീഡിയയിൽ വൈറലായി(D. Gukesh Met Rajinikanth & Siva Karthikeyan). ഗുകേഷ് തന്നെയാണ് ഈ ചിത്രങ്ങൾ എക്സിൽ പങ്കുവച്ചത്.
മാതാപിതാക്കളോടൊപ്പമാണ് ഗുകേഷ് ചെന്നൈയിലെ രജനികാന്തിന്റെ വീട്ടിൽ എത്തിയത്. താരത്തിന്റെ പ്രത്യേക ക്ഷണപ്രകാരമാണ് ഗുകേഷും കുടുംബവും എത്തിയത്. ശിവകാർത്തികേയന്റെ ഓഫീസിലെത്തിയാണ് ഗുകേഷ് താരത്തെ കണ്ടത്. "എന്റെ പ്രിയപ്പെട്ട നടനാണ് ശിവകാർത്തികേയൻ. അദ്ദേഹത്തോടൊപ്പം സമയം ചെലവഴിക്കാൻ സാധിച്ചതിൽ വളരെയധികം സന്തോഷമുണ്ട്. ഈ നിമിഷം എനിക്ക് വളരെ സ്പെഷ്യലാണ്"- എന്നാണ് ഗുകേഷ് ശിവകാർത്തികേയനെ കാണാൻ കഴിഞ്ഞതിനെ പറ്റി കുറിച്ചത്.
രാജ്യത്തിൻറെ അഭിമാനമായി മാറിയ ഗുകേഷിന് താരങ്ങൾ സമ്മാനവും നൽകി. സമ്മാനമായി താരങ്ങൾ ആഡംബര വാച്ചുകളാണ്ന ൽകിയത്. തിരക്കിനിടയിലും തനിക്ക് വേണ്ടി സമയം മാറ്റിവച്ചതിനും ആശംസകൾ അറിയിച്ചതിനും നന്ദിയെന്ന അടിക്കുറിപ്പോടെയാണ് ഗുകേഷ് ചിത്രങ്ങൾ പങ്കുവച്ചത്.