പ്രശസ്ത നർത്തകി മേതില് ദേവികക്ക് നോടീസയച്ച് കോടതി. തിരുവനന്തപുരം ജില്ലാ പ്രിന്സിപ്പൽ സെഷന്സ് കോടതിയാണ് നടപടി എടുത്തത്. തിരുവനന്തപുരം നിഷിലെ ഇംഗ്ലീഷ് അധ്യാപിക സില്വി മാക്സി മേന രൂപകല്പ്പന ചെയ്ത മുദ്രനടനം എന്ന നൃത്താവിഷ്കാരത്തിൻ്റെ പകർപ്പാണ് മേതിൽ ദേവികയുടെ ക്രോസ് ഓവര് എന്ന നൃത്തരൂപമെന്നാണ് പരാതിയിൽ ആരോപിക്കുന്നത്. പരാതിയിൽ മേതിൽ ദേവികയുടെ വിശദീകരണം തേടിയാണ് കോടതി നോട്ടീസ് അയച്ചത്. തനിക്ക് മാത്രം പകര്പ്പ് അവകാശം ഉണ്ടായിരുന്ന നൃത്താവിഷ്കാരം മേതിൽ ദേവിക ചോര്ത്തി, ക്രോസ് ഓവര് എന്ന പേരിൽ നൃത്തരൂപം ഉണ്ടാക്കിയെന്നാണ് സില്വി മാക്സി മേനയുടെ ഹർജിയിൽ ആരോപിക്കുന്നത്