തിരുവനന്തപുരം: നടി നൽകിയ ലൈംഗികാതിക്രമ പരാതിയിൽ നടൻ ജയസൂര്യയോട് ഈ മാസം 15ന് ചോദ്യം ചെയ്യലിനായി ഹാജരാകാൻ നിർദേശം. ഇതിനായി നോട്ടീസ് നൽകി.(Complaint against actor Jayasurya)
തിരുവനന്തപുരം കന്‍റോൺമെന്‍റ് സ്റ്റേഷനിൽ ഹാജരാകാനാണ് നോട്ടീസ് നൽകിയിരിക്കുന്നത്. കേസെടുത്തിരിക്കുന്നത് സെക്രട്ടറിയേറ്റിൽ സിനിമാ ചിത്രീകരണത്തിനിടയിൽ അതിക്രമം നടത്തിയെന്ന നടിയുടെ പരാതിയിലാണ്.
നടനെതിരെ പരാതി നൽകിയിരിക്കുന്നത് 2 നടിമാരാണ്. ജയസൂര്യക്കെതിരെയുള്ള 2 കേസുകൾ രജിസ്റ്റർ ചെയ്തിരിക്കുന്നത് സ്ത്രീത്വത്തെ അപമാനിച്ചു, സ്ത്രീകളെ ബലപ്രയോഗത്തിലൂടെ കീഴ്‌പ്പെടുത്താൻ ശ്രമിച്ചു എന്നീ വകുപ്പുകളിലാണ്.
ഇയാൾക്കെതിരായ കേസുകളുള്ളത് എറണാകുളം കൂത്താട്ടുകുളം, തിരുവനന്തപുരം കന്‍റോൺമെന്‍റ് സ്റ്റേഷനുകളിലാണ്.