‘കുംഭമേളക്കിടെയും വ്യാജപ്രചാരണം നടത്താൻ നാണമില്ലേ?’; എ.ഐ ചിത്രമാണ് പ്രചരിക്കുന്നതെന്ന് പ്രകാശ് രാജ് | Prakash Raj

ചെന്നൈ: പ്രയാഗ് രാജിലെ മഹാകുംഭമേളയിൽ താൻ പങ്കെടുത്തുവെന്ന തരത്തിൽ പ്രചരിക്കുന്ന ചിത്രത്തിനെതിരെ രൂക്ഷ പ്രതികരണവുമായി നടൻ പ്രകാശ് രാജ്. കുംഭമേള നടത്തുന്ന സമയത്തും ചിലർ വ്യാജപ്രചാരണങ്ങൾ നടത്തുന്നത് ലജ്ജാകരമാണെന്ന് പ്രകാശ് രാജ് എക്സിൽ കുറിച്ചു. (Prakash Raj)

'എന്തൊരു നാണക്കേട്… വിശുദ്ധ ചടങ്ങിനിടയിലും വ്യാജപ്രചാരണങ്ങൾ നടത്താൻ നാണമാകുന്നില്ലേ. ചിത്രങ്ങൾ പ്രചരിപ്പിച്ച തമാശക്കാർക്കെതിരെ പരാതി നൽകിയിട്ടുണ്ട്. പ്രത്യാഘാതങ്ങൾ നേരിടാൻ തയാറാകണം' -പ്രകാശ് രാജ് പറഞ്ഞു.