കൊച്ചി: മലയാളികളുടെ പ്രിയ നടി അന്ന രാജൻ സോഷ്യൽ മീഡിയയിൽ പുതിയ ചുവടുവെപ്പിനൊരുങ്ങുന്നു (Anna Rajan Instagram Subscription Price). തന്റെ ഇൻസ്റ്റഗ്രാം അക്കൗണ്ടിൽ സബ്സ്ക്രിപ്ഷൻ (Instagram Subscription) ഓപ്ഷൻ ആരംഭിച്ച വിവരം താരം ആരാധകരുമായി പങ്കുവെച്ചു. ഇതോടെ താരത്തിന്റെ വിശേഷങ്ങളും പ്രത്യേക കണ്ടന്റുകളും ഇനി സബ്സ്ക്രൈബ് ചെയ്യുന്നവർക്ക് മാത്രമായി ലഭ്യമാകും.
മാസം 390 രൂപയാണ് അന്നയുടെ ഇൻസ്റ്റഗ്രാം സബ്സ്ക്രിപ്ഷൻ നിരക്ക്. ഇതിനോടകം 627 സബ്സ്ക്രൈബർമാരെ അന്നയ്ക്ക് ലഭിച്ചുകഴിഞ്ഞു. 97 സ്റ്റോറികളും നാല് പോസ്റ്റുകളും 29 റീലുകളും സബ്സ്ക്രിപ്ഷൻ വഴി താരം പങ്കുവെച്ചിട്ടുണ്ട്.
“എന്റെ ലോകത്തേക്ക് കൂടുതൽ അടുക്കാം. എന്റെ സബ്സ്ക്രിപ്ഷനിൽ ചേരൂ” എന്ന അടിക്കുറിപ്പോടെ ഒരു വീഡിയോ പങ്കുവെച്ചാണ് താരം പുതിയ മാറ്റം അറിയിച്ചത്.
എന്താണ് ഇൻസ്റ്റഗ്രാം സബ്സ്ക്രിപ്ഷൻ?
സോഷ്യൽ മീഡിയ സെലിബ്രിറ്റികൾക്കും കണ്ടന്റ് ക്രിയേറ്റർമാർക്കും പണം നൽകുന്നവർക്കായി മാത്രമായി പ്രത്യേക പോസ്റ്റുകൾ, റീലുകൾ, ലൈവ് വീഡിയോകൾ എന്നിവ പങ്കുവെക്കാൻ സഹായിക്കുന്ന സംവിധാനമാണിത്. സബ്സ്ക്രൈബ് ചെയ്യുന്നവർക്ക് താരങ്ങളുടെ പ്രൊഫൈലിൽ പ്രത്യേക ബാഡ്ജുകളും ലഭിക്കും. ഇതിനോടകം തന്നെ നിരവധി സിനിമാ താരങ്ങൾ ഈ ഫീച്ചർ ഉപയോഗിക്കുന്നുണ്ട്.
ലിജോ ജോസ് പെല്ലിശ്ശേരി സംവിധാനം ചെയ്ത ‘അങ്കമാലി ഡയറീസ്’ എന്ന ചിത്രത്തിലെ ലിച്ചി എന്ന കഥാപാത്രത്തിലൂടെയാണ് അന്ന രാജൻ സിനിമയിൽ അരങ്ങേറ്റം കുറിച്ചത്. സോഷ്യൽ മീഡിയയിൽ ഏറെ സജീവമായ താരം ഈ പുതിയ പരീക്ഷണത്തിലൂടെ ആരാധകരുമായി കൂടുതൽ അടുക്കാനാണ് ലക്ഷ്യമിടുന്നത്.
Story Summary:
Popular Malayalam actress Anna Rajan, known for her role in ‘Angamaly Diaries’, has launched a subscription option on her Instagram profile. Fans can now access her exclusive content by paying a monthly subscription fee of ₹390. Currently, she has 627 subscribers and has already shared exclusive stories, reels, and posts. Anna announced the news through a video post, inviting fans to get closer to her world through this new feature.
