ചെന്നൈ: തമിഴ് നടി തൃഷയുടെ എക്സ് അക്കൗണ്ട് ഹാക്ക് ചെയ്യപ്പെട്ടു. നടി തന്നെയാണ് ഇന്സ്റ്റഗ്രാമിലൂടെ തന്റെ അക്കൗണ്ട് ഹാക്ക് ചെയ്യപ്പെട്ട കാര്യം അറിയിച്ചത്. അക്കൗണ്ട് വീണ്ടെടുക്കാന് ശ്രമിക്കുകയാണെന്നും, അക്കൗണ്ടില് വരുന്ന പോസ്റ്റുകള് ശ്രദ്ധിക്കരുതെന്നും തൃഷ തന്റെ ഇന്സ്റ്റ സ്റ്റോറിയില് പറയുന്നു.
വിടാമുയര്ച്ചിയാണ് തൃഷ അഭിനയിച്ച് റിലീസായ ഒടുവിലത്തെ ചിത്രം. ചിത്രത്തില് തമിഴ് സൂപ്പര്താരം അജിത്തിന്റെ ഭാര്യ വേഷത്തിലാണ് തൃഷ എത്തിയിരിക്കുന്നത്. കായല് എന്നാണ് ഈ കഥാപാത്രത്തിന്റെ പേര്. പൂര്ണ്ണമായും അസര്ബൈജാനില് ഷൂട്ട് ചെയ്ത മഗിഴ് തിരുമേനി സംവിധാനം ചെയ്ത ചിത്രം സമിശ്ര പ്രതികരണമാണ് തീയറ്ററില് ഉണ്ടാക്കിയത്.