ബീച്ചിൽ സുഹൃത്തുക്കൾക്കൊപ്പം അവധി ആഘോഷിച്ച് ഉല്ലസിക്കുന്ന നടി കനി കുസൃതിയുടെ ചിത്രങ്ങൾ വൈറൽ. നടി, മോഡൽ, സാമൂഹ്യ പ്രവർത്തക എന്നീ നിലകളിൽ ശ്രദ്ധേയയായ വ്യക്തിയാണ് കനി കുസൃതി. കേരളത്തിലെ പ്രമുഖ സാംസ്കാരിക പ്രവർത്തകരായ മൈത്രേയൻ, ജയശ്രീ എന്നിവരുടെ മകളാണ് കനി.
2009-ൽ പുറത്തിറങ്ങിയ 'കേരള കഫേ' എന്ന ചിത്രത്തിലൂടെയാണ് കനി മലയാള സിനിമയിലേക്ക് എത്തുന്നത്. അതിനുശേഷം, 'കോക്ടെയിൽ', 'കർമ്മയോഗി', 'ശിഖാമണി' തുടങ്ങിയ ചിത്രങ്ങളിൽ ശ്രദ്ധേയമായ കഥാപാത്രങ്ങളെ അവതരിപ്പിച്ചു. 2017-ൽ പുറത്തിറങ്ങിയ 'മാൻഹോൾ' എന്ന ചിത്രത്തിലെ പ്രകടനം അവർക്ക് നിരൂപക പ്രശംസ നേടിക്കൊടുത്തു.
2019-ൽ പുറത്തിറങ്ങിയ 'ബിരിയാണി' എന്ന ചിത്രത്തിലെ അഭിനയം കനിയുടെ കരിയറിലെ ഒരു വഴിത്തിരിവായിരുന്നു. ഈ ചിത്രത്തിലെ ഖദീജ എന്ന കഥാപാത്രത്തെ അവതരിപ്പിച്ചതിന് 2020-ലെ മികച്ച നടിക്കുള്ള കേരള സംസ്ഥാന ചലച്ചിത്ര അവാർഡ് കനിക്ക് ലഭിച്ചു.
കഴിഞ്ഞ വർഷം കാൻ ഫിലിം ഫെസ്റ്റിവലിൽ വേൾഡ് പ്രീമിയർ ചെയ്ത, പായൽ കപാഡിയ രചനയും സംവിധാനവും നിർവ്വഹിച്ച ഓൾ വി ഇമാജിൻ ആൾ ലൈറ്റ് എന്ന ചിത്രത്തിൽ പ്രധാനകഥാപാത്രമായി എത്തിയത് കനിയുടെ അഭിനയ ജീവിതത്തിൽ പൊൻതൂവലായി മാറിയിരുന്നു.