ചെന്നൈ : തെലുങ്ക് നടൻ വിജയ് ദേവരകൊണ്ട ഒരു വാഹനാപകടത്തിൽ നിന്ന് തലനാരിഴയ്ക്ക് രക്ഷപ്പെട്ടു. ജോഗുലാംബ ജില്ലയിലെ ദേശീയപാത 44 ൽ വെച്ചാണ് സംഭവം.വിജയ് ദേവരകൊണ്ടയും മറ്റ് രണ്ട് പേരും കാറിലുണ്ടായിരുന്നു.
ആന്ധ്രാപ്രദേശിൽ നിന്നും ഹൈദരാബാദിലേക്കുള്ള യാത്രയിൽ താരം സഞ്ചരിച്ച കാര്‍ ഒരു ബൊലേറോ പിക്കപ്പുമായി കൂട്ടിയിടിച്ചാണ് അപകടം ഉണ്ടായത്. വിജയ് ദേവരക്കൊണ്ട സഞ്ചരിച്ച വാഹനത്തിന് ചെറിയ കേടുപാടുകളെ സംഭവിച്ചുള്ളു.
അതേ സമയം, വിജയ്-രശ്മിക വിവാഹനിശ്ചയം മൂന്ന് ദിവസം മുമ്പ് ഒക്ടോബർ 3 ന് നടന്നുവെന്ന് റിപ്പോർട്ടുകൾ വന്നിരുന്നു. കുടുംബാംഗങ്ങളും അടുത്ത സുഹൃത്തുക്കളും മാത്രമാണ് ചടങ്ങിൽ പങ്കെടുത്തത്. എന്നിരുന്നാലും, ഇരു താരങ്ങളും ഇതുവരെ ഔദ്യോഗിക പ്രഖ്യാപനം നടത്തിയിട്ടില്ല.ഇവരുടെ വിവാഹം 2026 ഫെബ്രുവരിയിൽ നടക്കുമെന്നും റിപ്പോർട്ടുകൾ സൂചിപ്പിക്കുന്നു