തിരുവനന്തപുരം: നജീബിന്റെ കഥ പറഞ്ഞ ആടുജീവിതം ഓസ്കാറിലേക്ക് നടന്നടുക്കുന്നു. 97-ാമത് ഓസ്‌കാർ അവാർഡിനുള്ള പ്രാഥമിക റൗണ്ടിലാണ് "ആടുജീവിതം" തിരഞ്ഞെടുക്കപ്പെട്ടത്("Aadujeevitham" to Oscars). 25 സിനിമകളാണ് പട്ടികയിൽ ഇടം പിടിച്ചിട്ടുള്ളത്. ഇതിൽ നിന്നും വോട്ടെടുപ്പിന്റെ അടിസ്ഥാനത്തിൽ 10 സിനിമകൾ തിരഞ്ഞെടുക്കും. 8 -ാം തീയതി മുതൽ 12-ാം തീയതി വരെയാണ് വോട്ടിംഗ്. ഇതിനു ശേഷമാണ് രണ്ടാം ഘട്ടം ആരംഭിക്കുക.
ബെന്യാമിന്റെ നോവലായ ആടുജീവിതത്തെ അടിസ്ഥാനമാക്കി സംവിധായകൻ ബ്ലെസി ഒരുക്കിയ ചിത്രമാണ് 'ആടുജീവിതം'. ചിത്രത്തിൽ നായകനായ നജീബിനെ അവതരിപ്പിച്ചത് പൃഥ്വിരാജ് സുകുമാരൻ ആയിരുന്നു. മികച്ച നടൻ ഉൾപ്പെടെ 7 സംസ്ഥാന അവാർഡുകളാണ് ചിത്രത്തെ തേടിയെത്തിയത്. സാധാരണ ഫോറിൻ സിനിമാ കാറ്റഗറിയിലാണ് ഇന്ത്യയിൽ നിന്നുള്ള ചിത്രങ്ങൾ പരിഗണിക്കാറുള്ളത്. എന്നാൽ, അപൂർവമായാണ് മികച്ച ചിത്രത്തിനുള്ള ജനറൽ കാറ്റഗറിയിൽ ഒരു ഇന്ത്യൻ ചിത്രം പരിഗണിക്കുന്നത്.