തിരുവനന്തപുരം: സംസ്ഥാനത്തെ സ്വർണവിലയിൽ നേരിയ ഇടിവ്. സ്വർണവില ഈ മാസത്തെ റെക്കോഡ് നിരക്കിൽ നിന്നും പതിയെ താഴെയിറങ്ങാനുള്ള ശ്രമത്തിലാണ്.( Kerala gold rate updates )
ഗ്രാമിന് 25 രൂപ കുറഞ്ഞ് 7,095 രൂപ എന്ന നിലയിലും, പവന് 200 രൂപ കുറഞ്ഞ് 56,760 രൂപ എന്ന നിലയിലുമാണ് ഇന്ന് വിപണിയിൽ വ്യാപാരം പുരോഗമിക്കുന്നത്. സംസ്ഥാനത്തെ വെള്ളിവിലയിലും ഇന്ന് മാറ്റമില്ല. ഗ്രാമിന് 98 രൂപയാണ് വില.
രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കപ്പെടുന്നത്. ഡോളർ – രൂപ വിനിമയ നിരക്ക്, ഇറക്കുമതി തീരുവ എന്നിവയും സ്വർണവിലയെ സ്വാധീനിക്കുന്ന ഘടകങ്ങളാണ്.
നിലവിൽ ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ. ഓരോ വർഷവും ടൺ കണക്കിന് സ്വർണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയിൽ സംഭവിക്കുന്ന ചെറിയ ചലനങ്ങൾ പോലും അടിസ്ഥാനപരമായി ഇന്ത്യയിലെ സ്വർണവിലയിൽ പ്രതിഫലിക്കും.