കൊച്ചി: കഴിഞ്ഞ ദിവസം വൻ ഇടിവ് നേരിട്ട സ്വർണവിലയിൽ ഇന്ന് കുതിപ്പ്. ഇന്നലെ 1300 രൂപയാണ് കുറഞ്ഞിരുന്നത്. ഇന്ന് വീണ്ടും 58,000ന് മുകളിൽ എത്തിയിരിക്കുകയാണ് സ്വർണനിരക്ക്.(Gold price hike in Kerala )
പവന് 680 രൂപ കൂടി, 58,280 രൂപ എന്ന നിലയിലും, ഗ്രാമിന് 85 രൂപ വർധിച്ച് 7285 രൂപ എന്ന നിലയിലുമാണ് ഇന്ന് വിപണിയിൽ വ്യാപാരം പുരോഗമിക്കുന്നത്. ഓരോ ദിവസവും പുതിയ റെക്കോർഡുകൾ സൃഷ്ടിച്ചും അവ ഭേദിച്ചും മുന്നേറുകയാണ് സ്വർണവില.
രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കപ്പെടുന്നത്. ഡോളർ – രൂപ വിനിമയ നിരക്ക്, ഇറക്കുമതി തീരുവ എന്നിവയും സ്വർണവിലയെ സ്വാധീനിക്കുന്ന ഘടകങ്ങളാണ്.
നിലവിൽ ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ. ഓരോ വർഷവും ടൺ കണക്കിന് സ്വർണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയിൽ സംഭവിക്കുന്ന ചെറിയ ചലനങ്ങൾ പോലും അടിസ്ഥാനപരമായി ഇന്ത്യയിലെ സ്വർണവിലയിൽ പ്രതിഫലിക്കും.