കൊച്ചി: മഹീന്ദ്രയുടെ ഇലക്ട്രിക് എസ്യുവി ശ്രേണിയിൽ തരംഗമായി മാറിയ ബിഇ 6 (BE 6) ബാറ്റ്മാൻ എഡിഷൻ വീണ്ടും വിപണിയിലെത്തുന്നു (Mahindra BE 6 Batman Edition booking 2026). ആദ്യ ലോഞ്ചിൽ വെറും 135 സെക്കൻഡിനുള്ളിൽ 999 യൂണിറ്റുകളും വിറ്റുതീർന്നതിനെ തുടർന്ന്, വാഹനം ലഭിക്കാതെ പോയ ആരാധകരുടെ നിരന്തരമായ അഭ്യർത്ഥന മാനിച്ചാണ് മഹീന്ദ്രയുടെ ഈ നീക്കം.
മാർച്ച് 10-ന് രാവിലെ 11 മുതൽ ഒരേയൊരു ദിവസത്തേക്ക് മാത്രമായിരിക്കും ബുക്കിങ് ലഭ്യമാകുക.
വില: 28.49 ലക്ഷം രൂപ (എക്സ് ഷോറൂം). മാർച്ച് 6 മുതൽ mahindraelectricsuv.com എന്ന വെബ്സൈറ്റിലൂടെ ഉപഭോക്താക്കൾക്ക് തങ്ങളുടെ പ്രിഫറൻസ് രേഖപ്പെടുത്താം. 2026 ഏപ്രിൽ 10 മുതൽ വാഹനങ്ങൾ കൈമാറി തുടങ്ങും.
വാർണർ ബ്രദേഴ്സ് ഡിസ്കവറിയുമായി സഹകരിച്ച്, ക്രിസ്റ്റഫർ നോളന്റെ ‘ദി ഡാർക്ക് നൈറ്റ് ട്രൈലോജി’യിൽ നിന്ന് പ്രചോദനം ഉൾക്കൊണ്ടാണ് ഈ വാഹനം രൂപകൽപ്പന ചെയ്തിരിക്കുന്നത്.
ബിഇ 6-ന്റെ ഏറ്റവും ഉയർന്ന വേരിയന്റായ ‘പാക്ക് ത്രീ’ 79 kWh മോഡലിനെ അടിസ്ഥാനമാക്കിയാണ് ഇത് നിർമ്മിച്ചിരിക്കുന്നത്.
നിലവിൽ ഈ വാഹനം സ്വന്തമായുള്ളവർ റെഫർ ചെയ്യുന്ന ബുക്കിങ്ങുകൾക്ക് ഡെലിവറിയിൽ മുൻഗണന ലഭിക്കുമെന്ന് മഹീന്ദ്ര അറിയിച്ചു.
വാണിജ്യാടിസ്ഥാനത്തിൽ ലഭ്യമാക്കിയ ലോകത്തിലെ ആദ്യത്തെ ബാറ്റ്മാൻ തീം എസ്യുവി എന്ന ഖ്യാതിയും മഹീന്ദ്രയുടെ ഈ മോഡലിനുണ്ട്. പരിമിതമായ യൂണിറ്റുകൾ മാത്രമുള്ളതിനാൽ ഇത്തവണയും നിമിഷങ്ങൾക്കുള്ളിൽ ബുക്കിങ് പൂർത്തിയാകുമെന്നാണ് വിപണിയിലെ വിലയിരുത്തൽ.
Story Summary:
Mahindra has announced the re-launch of its BE 6 Batman Edition SUV due to overwhelming customer demand. The first batch of 999 units was sold out in just 135 seconds. Inspired by Christopher Nolan’s Dark Knight Trilogy, the booking for this limited edition will reopen for one day only on March 10, 2026, at 11 AM. Priced at ₹28.49 lakh (ex-showroom), deliveries will commence on April 10. The SUV is based on the top-spec BE 6 Pack 3 with a 79 kWh battery.
