ജൽന: മഹാരാഷ്ട്രയിലെ ജൽന ജില്ലയിൽ സ്കൂളിലെ വാർഷികാഘോഷത്തിനിടെ നടന്ന വിവാദ പ്രകടനം വൻ പ്രതിഷേധത്തിന് കാരണമായി. വിദ്യാർത്ഥികൾ കൃത്രിമ വാളുകൾ കയ്യിലേന്തി വിവാദ ഗാനത്തിന് നൃത്തം ചെയ്യുന്നതിന്റെ ദൃശ്യങ്ങൾ സമൂഹമാധ്യമങ്ങളിൽ വൈറലായതോടെയാണ് സംഭവം വിവാദമായത്.(Jalna school controversy, Case against school in Maharashtra after students dance to song)
സ്കൂളിന്റെ വാർഷികാഘോഷ പരിപാടികൾക്കിടെയായിരുന്നു ഈ പ്രകടനം. ദൃശ്യങ്ങൾ പുറത്തുവന്നതോടെ സ്കൂൾ അധികൃതർക്കെതിരെ കടുത്ത വിമർശനം ഉയരുകയും വിവിധ കോണുകളിൽ നിന്ന് നടപടിക്കായി ആവശ്യങ്ങൾ ഉയരുകയുമായിരുന്നു. സംഭവത്തിൽ പാർത്തൂർ പൊലീസ് സ്കൂൾ പ്രസിഡന്റ്, ഒരു അധ്യാപകൻ, പരിപാടിയുടെ അവതാരകൻ എന്നിവർക്കെതിരെ കേസെടുത്തു. പരിപാടിക്ക് എങ്ങനെയാണ് അനുമതി ലഭിച്ചതെന്നും, ആരുടെ നിർദ്ദേശപ്രകാരമാണ് ഇത്തരം ഒരു പ്രകടനം നടന്നതെന്നും പൊലീസ് അന്വേഷിക്കുന്നുണ്ട്.
സംഭവം വലിയ രാഷ്ട്രീയ വിവാദത്തിന് തിരികൊളുത്തിയിട്ടുണ്ട്. ബിജെപി നേതാവ് കിരിത് സോമയ്യ സ്കൂളിലെത്തി പരിശോധന നടത്തി. സ്കൂളിന് വിദ്യാഭ്യാസ വകുപ്പിന്റെ സാധുവായ അംഗീകാരം ഇല്ലെന്നും, നിയമവിരുദ്ധമായി പ്രവർത്തിക്കുന്ന ഈ സ്കൂൾ കെട്ടിടം പൊളിച്ച് സീൽ ചെയ്യണമെന്നും അദ്ദേഹം ആവശ്യപ്പെട്ടു. സ്കൂൾ പരിപാടികളിലെ കലാപ്രകടനങ്ങളുടെ മേൽനോട്ടവും വിദ്യാഭ്യാസ സ്ഥാപനങ്ങൾ പാലിക്കേണ്ട മാർഗ്ഗനിർദ്ദേശങ്ങളും സംബന്ധിച്ച ഗുരുതരമായ ചോദ്യങ്ങളാണ് ഈ സംഭവം ഉയർത്തിയിരിക്കുന്നത്.
Story Summary
A school in Jalna, Maharashtra, is facing legal action after students at its annual function were filmed dancing to the controversial song while wielding imitation swords. The viral video sparked widespread outrage, leading the Partur police to register a case against the school’s president, a teacher, and the event’s anchor.
