ഒന്റാരിയോ: കാനഡയിൽ വവ്വാൽ കടിച്ചുണ്ടായ മുറിവിലൂടെ പേവിഷബാധയേറ്റ് 11 വയസ്സുകാരൻ മരിച്ചു. ഒന്റാരിയോയിലെ ഒരു കോട്ടേജിൽ കുടുംബത്തോടൊപ്പം അവധിക്കാലം ആഘോഷിക്കവെയാണ് സംഭവം. കോട്ടേജിൽ ഉറങ്ങിക്കിടക്കുമ്പോൾ കുട്ടിയുടെ മൂക്കിലും വായയിലും വവ്വാൽ വന്നിരിക്കുകയായിരുന്നു.(11 year old Canadian boy dies of rabies after bat bite)
കുട്ടി വവ്വാലിനെ തട്ടിമാറ്റുകയും പിതാവ് അതിനെ പിടികൂടി പുറത്തേക്ക് വിടുകയും ചെയ്തു. എന്നാൽ, കടിയേറ്റ പാടുകളോ മറ്റ് ദൃശ്യമായ മുറിവുകളോ ഇല്ലാത്തതിനാൽ മാതാപിതാക്കൾ ഉടൻ തന്നെ ചികിത്സ തേടിയില്ല. വവ്വാൽ അസ്വാഭാവികമായി പെരുമാറിയിരുന്നില്ല എന്നതും അവർ കരുതി. എന്നാൽ 19 ദിവസങ്ങൾക്ക് ശേഷം കുട്ടിയുടെ മുഖത്ത് തരിപ്പും വീക്കവും അനുഭവപ്പെടുകയായിരുന്നു.
തുടർന്ന് നിരവധി ആശുപത്രികളിൽ ചികിത്സ തേടിയെങ്കിലും കൃത്യമായ രോഗനിർണ്ണയം വൈകി. ആദ്യം മുഖത്തെ പേശീപക്ഷാഘാതം ആണെന്ന് കരുതി ഹെർപ്പസ് വൈറസ് ചികിത്സയാണ് നൽകിയത്. പിന്നീട് പനിയും വിഴുങ്ങാനുള്ള ബുദ്ധിമുട്ടും ആശയക്കുഴപ്പവും ഭ്രമാത്മകതയും അനുഭവപ്പെട്ടതോടെ കുട്ടിയെ തീവ്രപരിചരണ വിഭാഗത്തിൽ പ്രവേശിപ്പിക്കുകയായിരുന്നു. വിദഗ്ദ്ധ പരിശോധനയിലാണ് പേവിഷബാധയാണെന്ന് സ്ഥിരീകരിച്ചത്. പ്രവേശിപ്പിക്കപ്പെട്ട് 17-ാം ദിവസം കുട്ടി മരണപ്പെട്ടു.
Story Summary
An 11-year-old Canadian boy tragically died of rabies, 19 days after being bitten by a bat while sleeping in an Ontario cottage. Despite the family’s initial failure to seek medical help due to lack of visible injuries, the boy developed fatal symptoms, highlighting the critical importance of immediate post-exposure treatment following any contact with bats.
