ബക്സർ: ബിഹാറിൽ അധികൃതരുടെ അനാസ്ഥ വെളിവാക്കുന്ന മറ്റൊരു സംഭവം കൂടി പുറത്ത്. ബക്സർ ജില്ലയിലെ ഒരു പരീക്ഷാ കേന്ദ്രത്തിന് പുറത്ത് ഒമ്പത്, പത്ത്, പന്ത്രണ്ട് ക്ലാസുകളിലെ ചോദ്യപേപ്പറുകളും ഉത്തരക്കടലാസുകളും മഴവെള്ളത്തിൽ ഒഴുകിനടക്കുന്ന നിലയിൽ കണ്ടെത്തി. ബിഹാർ സ്കൂൾ പരീക്ഷാ ബോർഡ് ത്രൈമാസ പരീക്ഷകൾക്കായി വിവിധ സ്കൂളുകളിലേക്ക് അയച്ച രേഖകളാണ് ഇത്തരത്തിൽ അലക്ഷ്യമായി കിടന്നത്.(Bihar school exam question papers and answer sheets found floating in rainwater in Buxar)
ചോദ്യപേപ്പർ കെട്ടുകൾ അനാഥമായി വെള്ളത്തിൽ കിടക്കുന്നതിന്റെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിച്ചതോടെ വലിയ വിമർശനമാണ് ഉയരുന്നത്. പരീക്ഷാ രേഖകൾ കൈകാര്യം ചെയ്യുന്നതിലും വിതരണം ചെയ്യുന്നതിലുമുള്ള ഉദ്യോഗസ്ഥരുടെ ഗുരുതരമായ വീഴ്ചയാണ് ഈ സംഭവം ചൂണ്ടിക്കാണിക്കുന്നത്. ജില്ലയിലെ 167-ഓളം സ്കൂളുകളിലേക്കായി വിതരണം ചെയ്യാൻ എത്തിച്ച പരീക്ഷാ സാമഗ്രികളാണ് വെള്ളക്കെട്ടിൽ വീണത്.
അതേസമയം, രേഖകൾക്ക് യാതൊരുവിധ കേടുപാടുകളും സംഭവിച്ചിട്ടില്ലെന്നാണ് ജില്ലാ വിദ്യാഭ്യാസ ഉദ്യോഗസ്ഥരുടെ വിശദീകരണം. പ്ലാസ്റ്റിക് പാക്കറ്റുകൾ സുരക്ഷിതമായി സീൽ ചെയ്തിരുന്നതിനാൽ ഉള്ളിലേക്ക് വെള്ളം കയറിയിട്ടില്ലെന്നും, മുൻനിശ്ചയിച്ച പ്രകാരം തന്നെ പരീക്ഷകൾ കൃത്യസമയത്ത് നടന്നതായും ഉദ്യോഗസ്ഥർ അവകാശപ്പെട്ടതായി റിപ്പോർട്ട് ചെയ്തു.
Story Summary
A major controversy erupted in Bihar’s Buxar district after bundles of question papers and answer sheets for classes 9, 10, and 12 were found floating in rainwater outside an examination center. Although viral videos of the incident sparked outrage over gross negligence in handling board materials meant for 167 schools.
