വെനസ്വേലയിൽ വെച്ച് മരിച്ച കപ്പൽ ജീവനക്കാരൻ ചൗഹാന്റെ മൃതദേഹം നാട്ടിലെത്തിച്ചപ്പോൾ ആന്തരികാവയവങ്ങൾ നഷ്ടപ്പെട്ട നിലയിൽ കണ്ടെത്തിയത് വലിയ ദുരൂഹതയ്ക്ക് വഴിവെക്കുന്നു. കപ്പലിൽ വെച്ച് വീണു പരിക്കേറ്റുവെന്നും ചികിത്സയിലാണെന്നും ആദ്യം അറിയിച്ച കമ്പനി, പിന്നീട് മരണവാർത്ത സ്ഥിരീകരിക്കുകയായിരുന്നു. മൃതദേഹം ഒരാഴ്ചയ്ക്കകം നാട്ടിലെത്തിക്കുമെന്ന് ഉറപ്പുനൽകിയിരുന്നെങ്കിലും ഒരു മാസത്തിന് ശേഷമാണ് ജൂൺ നാലിന് മൃതദേഹം ദേവരിയയിൽ എത്തിയത്. (Sailor Chauhan Death Mystery)
ഉത്തർപ്രദേശിലെ ദേവരി സ്വദേശിയാണ് മരണപ്പെട്ട ചൗഹാൻ. കപ്പലിൽ നിന്ന് വീണ് പരിക്കേറ്റാണ് ചൗഹാൻ മരിച്ചതെന്നായിരുന്നു കമ്പനി അധികൃതരുടെ ആദ്യ വിശദീകരണം. അപകടം നടന്നതിന് തൊട്ടടുത്ത ദിവസം ചൗഹാൻ മരിക്കാൻ 95 ശതമാനം സാധ്യതയുണ്ടെന്ന് അറിയിച്ച കമ്പനി, വൈകുന്നേരത്തോടെ മരണം സ്ഥിരീകരിക്കുകയായിരുന്നു. മൃതദേഹം ഒരു ആഴ്ചയ്ക്കകം നാട്ടിലെത്തിക്കുമെന്ന് ഉറപ്പ് നൽകിയിരുന്നെങ്കിലും, ഒരു മാസത്തിന് ശേഷമാണ് അത് ദേവരിയയിൽ എത്തിയത്.
ദേവരിയയിൽ വെച്ച് നടത്തിയ പോസ്റ്റുമോർട്ടത്തിൽ മൃതദേഹത്തിൽ അസാധാരണമായ തുന്നലുകൾ കണ്ടെത്തി. കഴുത്ത് മുതൽ അടിവയർ വരെ 22 തുന്നലുകളും തലയിൽ 20 തുന്നലുകളും ഉണ്ടായിരുന്നു. തുടർന്ന് നടത്തിയ പരിശോധനയിൽ മസ്തിഷ്കം, തൈറോയ്ഡ്, ഹൃദയം, ശ്വാസകോശം, ആമാശയം, പിത്താശയം, വൃക്കകൾ തുടങ്ങിയവയെല്ലാം ശരീരത്തിൽ നിന്ന് നീക്കം ചെയ്തതായി വ്യക്തമായി. വെനിസ്വേലൻ അധികൃതരോ കപ്പൽ കമ്പനിയോ മരണത്തെക്കുറിച്ച് കൃത്യമായ മെഡിക്കൽ റിപ്പോർട്ടോ വിശദീകരണമോ ഇതുവരെ നൽകിയിട്ടില്ല. സാധാരണഗതിയിൽ ആദ്യ പോസ്റ്റുമോർട്ടത്തിൽ പരിശോധനയ്ക്കായി ചില അവയവങ്ങൾ നീക്കം ചെയ്യാറുണ്ടെങ്കിലും, എല്ലാ ആന്തരികാവയവങ്ങളും ഇല്ലാത്തത് വലിയ അസ്വാഭാവികതയാണ് ചൂണ്ടിക്കാട്ടുന്നത്.
Summary: The body of a sailor named Chauhan, who reportedly died on a ship, arrived in Deoria missing almost all internal organs, including the brain, heart, lungs, and kidneys. Although his employers claimed he died from fall-related injuries, the local autopsy report highlighted extensive incisions and the absence of vital organs. Neither Venezuelan authorities nor the shipping company have provided a clear explanation or an official autopsy report regarding the circumstances of his death, leaving the family in deep distress.
