ന്യൂയോർക്ക്: ന്യൂയോർക്ക് നഗരത്തിലെ ടൈംസ് സ്ക്വയറിൽ വ്യാഴാഴ്ച ഉച്ചകഴിഞ്ഞ് നടന്ന വെടിവെപ്പ് പരിഭ്രാന്തി പരത്തി. സംഭവത്തിൽ 17 വയസ്സുള്ള ഒരു കൗമാരക്കാരനെ പോലീസ് കസ്റ്റഡിയിലെടുത്തു.ന്യൂയോർക്ക് നിക്സ് ടീമിന്റെ എൻബിഎ ചാമ്പ്യൻഷിപ്പ് വിജയാഘോഷങ്ങളുടെ ഭാഗമായുള്ള പരേഡ് നടന്നതിന് ഏതാനും മണിക്കൂറുകൾക്ക് ശേഷമാണ് ടൈംസ് സ്ക്വയറിൽ വെടിവെപ്പുണ്ടായത്.(Times Square shooting, one Arrested After Shots Fired In Times Square Following Knicks Parade)
സംഭവത്തിൽ ആർക്കും വെടിയേറ്റിട്ടില്ലെന്നും ആരും മരിച്ചിട്ടില്ലെന്നും പോലീസ് വ്യക്തമാക്കി. 3:30-ഓടെ ബ്രോഡ്വേയിലെ 44-ാം തെരുവുകൾക്കിടയിലാണ് സംഭവങ്ങളുടെ തുടക്കം. ഒരു സംഘം ആളുകൾ തമ്മിലുണ്ടായ തർക്കത്തിനിടെ 26 വയസ്സുള്ള ഒരാൾക്ക് കത്തിക്കുത്തേറ്റു. ഇതിന് തൊട്ടുപിന്നാലെ, സംഘത്തിലുണ്ടായിരുന്നയാൾ വെടിയുതിർക്കുകയായിരുന്നു. ഉടൻ തന്നെ പോലീസ് ഇയാളെ പിടികൂടി. കത്തിക്കുത്തേറ്റ ആൾ ആശുപത്രിയിൽ ചികിത്സയിലാണ്,
അദ്ദേഹം അപകടനില തരണം ചെയ്തതായാണ് റിപ്പോർട്ട്. ആദ്യം വെടിവെപ്പുണ്ടായപ്പോൾ നഗരത്തിലെ വിനോദ സഞ്ചാരികളും ആഘോഷങ്ങളിൽ പങ്കെടുക്കാനെത്തിയവരും പരിഭ്രാന്തരായി ചിതറിയോടി. ലക്ഷക്കണക്കിന് ആളുകൾ പങ്കെടുത്ത നിക്സ് പരേഡിനായി 10,000-ത്തോളം പോലീസ് ഉദ്യോഗസ്ഥരെയാണ് നഗരത്തിൽ വിന്യസിച്ചിരുന്നത്. കഴിഞ്ഞ ശനിയാഴ്ച നിക്സിന്റെ വിജയത്തിന് പിന്നാലെ ടൈംസ് സ്ക്വയറിൽ നടന്ന ആഘോഷങ്ങൾക്കിടയിലും സമാനമായ വെടിവെപ്പുണ്ടായിരുന്നു.
Story Summary
Suspect was taken into custody after shots were fired in Times Square on Thursday, shortly after the New York Knicks victory parade. The incident, which followed a dispute involving a stabbing, caused widespread panic, though no injuries were reported from the gunfire.
